Read Biblija - Pe Baltitko Romani čib (Romanes) 2019 Baltic Romani Bible Vygiiben 38 Bible Online

Vygiiben 38 - Biblija - Pe Baltitko Romani čib (Romanes) 2019 Baltic Romani Bible bible

Vygiiben 38

¹I kerdiá jov altárjo vaš célo shačkiribén sitimoskire vešéstyr dlengipnása dre pandž kuniá i buĥlypnasa dre pandž kuniá (lokti), štaré-venglytko, vučipnása dre trin kuniá;

²i kerdiá jov šyngá (rógi) pe štar léskire véngly adiáke, so léstyr vydžána šyngá (rógi), i občhudiá les xarkomasa (miediasa).

³I kerdiá jov saré altarjoskire pribory ke altárjo: pirja, lopatki, tahtaja, bustiá (videlki) i ugol'nicy; saré léskire pribory kerdiá jov xarkomátyr (miediatyr).

⁴I kerdiá jov vaš altárjo riešotka, ródo sietkakiro xarkomátyr (miediatyr), pir léskiri jagóro (krajo) telál ke léskiri paš;

⁵i kerdiá štar baré angrustiá pe štar véngly xarkuny (miedno) riešotka te čhuvén balandiniá.

⁶I kerdiá balandiniá sitimoskire vešéstyr, i občhudiá len xarkomasa (miediasa),

⁷i čhudiá andré balandiniá dre baré angrustiá pe rigá altarjoskire, sob (kaj) te lydžán len lénca; čhučó (pusto) andrál phaliendyr jov kerdiá les.

⁸I kerdiá Viesieliilo moske čaró (umyval'niko) xarkomátyr (miediatyr) i léskiro predko tel ĥerá xarkomátyr (miediatyr) gožone patrinienca (risunkenca), savé lyné džuvliendyr, kon gožakirela zagiibén dre skedyibnáskiri šátra.

⁹I kerdiá jov gréda (dvóro) pašýl-dyvesytkoné (južnone) rigátyr, ke paš-dyvés, ubladýtka šyrmy (zaviesy) krenconone visonóstyr, dlengipnása dre šel kuniá;

¹⁰stýlby vaš lénge sys biš i predki tel ĥerá ke jone sys biš xarkomátyr (miedítka); nanglore (kriučki) pe stýlby i léngire sphandypena sys rupéstyr.

¹¹I pir paš-ratítko sys ubladýtka šyrmy dre šel kuniá; stýlby vaš lénge sys biš i osnovy ke jone sys biš xarkuné (miedítka); nanglore pe stýlby i léngire sphandypena sys rupéstyr.

¹²I pir západno (bel'velitko) rig ubladýtka šyrmy sys dre pandždešá kuniá, stýlby vaš lénge sys deš, i predki tel ĥerá sys deš, naglore pe stýlby i léngire sphandypena sys rupéstyr.

¹³I anglatuné rigátyr ke vastóko-ubladýtka šyrmy dre pandždešá kuniá.

¹⁴Pe jekh rig pe gredakiri pórta-ubladýtka šyrmy dre dešupandž kuniá; stýlby vaš lénge trin, i osnovy ke jone sys trin;

¹⁵i vaš javír rig, pir duj rigá pe gredakiri pórta-ubladýtka šyrmy dre dešupandž kuniá i stýlby vaš lénge trin, i predki tel ĥerá ke jone sys trin.

¹⁶Saré ubladýtka šyrmy pe saré gredakire rigá sys krencone visonóstyr,

¹⁷a osnovy tel stýlby sys xarkomátyr (miediatyr), nanglore (kriučki) pe stýlby i léngire sphandypena sys rupéstyr; vučipén léngiro sys občhudo rupésa, i saré stýlby dre gréda khetaniakirdepe rupuvé sphandyipnasa.

¹⁸Šýrma vaš pórta dre gréda (dvóro) sys uzorengire butiátyr, golubovoné, purpurone i červljonone vylnátyr i krencone visonóstyr, dlengipnása dre biš kuniá, vučipnása dre pandž kuniá, pir saró dlengipén, dasavé-pac' syr gredakiri šýrma;

¹⁹i vaš lénge sys štar stýlby, i osnovy tel stýlby sys štar xarkuné (miedítka); nanglore lénde sys rupuvé, a vučipén léngiro sys občhudo rupésa, i léngiro sphandypen sys rupuvó.

²⁰Saré kile pašýl šátra (skínija) i gréda (dvóro) sys xarkuné (miedítka).

²¹Ĥáda, isyn matierialoskiro ginybén doléske, so gijá vaš šátra dosykaibnása (skínija otkrovienijasa), kerdó pir Mojzáskiro priphenybén, i Lievíty podyne vast tel dykhibén Ifamaroskiro, Aaronóskire-čhavéskiro, rašaskiro.

²²A kerdiá saró o Viesielieilo, so priphendiá Raj Devél Mojzáske. Viesieliilo sys Urijaskiro čhavó, Oraskire-čhavéskiro, Judáskire rodycóstyr,

²³i lésa kerdiá butý Agoliavo, Ahisamahoskiro čhavó, Danóskire rodycóstyr, spieco-vyčhinybnari i vučé-klasoskiro khuvibnari i vysuibnari pir golubovo, purpurno, červljono i visonytko parkaljo (than).

²⁴Saró suvnakái, savó gijá pe réndo (diélo) pe sarí butý pe svénto štéto, suvnakái, savó jandlé dro dáro, sys biš te jeniá talánty i eftašelá trijánda šékieli, pir pharipén dro šékieljo vaš svénto štéto;

²⁵I rup, savó gindlé skedyibnaskire manušéndyr dro skedyibén, sys šel talánty i tysjonco (bar) eftašelá eftadešá pandž šékieljo, pir pharipén dro šékieljo vaš svénto štéto.

²⁶Pir paš šékieljo manušéstyr pir pharipén pir šékieljo vaš svénto štéto šove šelendyr triné tysjoncendyr, pandžé šelendyr pandždeše manušéndyr, kažnonestyr, savé zaginé dre ginybén, bišé beršéndyr i butýr.

²⁷Šel talánty rup gijá pe vyčhuiben vaš osnovy tel stýlby pe svénto štéto i predki tel ĥerá pašýl šyrmy; šel osnovy šele talantendyr, pir talanto pe jekh osnova;

²⁸a tysjoncostyr (barestyr) eftá šelendyr eftadešendyr pandžendyr šekieliendyr kerdiá jov nanglore pe stýlby i učhakirdiá léngiro vučipén, i kerdiá vaš lénge sphandypen.

²⁹Harkóma (mied'), saví jandlé dre dáro, sys eftadešá talánty i duj tysjoncy štaršelá šékieli;

³⁰látyr kerdiá jov tel osnovy vaš stýlby pašýl zagiibén dre šátra dosykaibnaskiri, i xarkuno (miedno) altárjo, riešotka miedno vaš léske, i saré khoré vaš altárjo,

³¹i osnovy vaš stýlby pe gréda (dvóro), osnovy vaš vudarengire stýlby trusciál (krugom) gréda, i saré šatrakire kile i saré kile pašýl gréda (dvóro).