Read Biblija - Pe Baltitko Romani čib (Romanes) 2019 Baltic Romani Bible Ióvo 14 Bible Online

Ióvo 14 - Biblija - Pe Baltitko Romani čib (Romanes) 2019 Baltic Romani Bible bible

Ióvo 14

¹O manúš, savés džuvlý bijandiá, dživéla naĥara, i léste isyn but pharipena pe iló.

²Jov vybarjola syr luludí (cveto) i les čingirena telé; i jov našela krig syr zer (tien') i butýr les nane.

³Ci otkeresa Tu Péskire jakhá, Dévla, pe jekhéste kadasaveste, syr me; i ci lydžása Tu man pe séndo Pésa?

⁴Ci saštý te bijandjol bidošéngiro manúš manušéste došenca? Nijékh!

⁵Kóli léskire dyvesá angilphendle, i léskire-džiibnáskire dyvesá isyn džindlé Túke; i Tu ĥazdyjan vučés léske miéžy, sob (kaj) jov naštý te piridžal len,

⁶tedy Tu risjov léstyr; i mek jov te otkhinjol angíl davá, syr jov končynela, syr andynarščyko (najomniko) péskiro dyvés.

⁷Pal-dová so isyn nadiéia vaš kašt: kóli jov čingirdo telé, jov barjola nevéstyr, i léskire senki (sučki) na xasjona;

⁸i mek léskiro kornjo (rukh) phurjola dre phuv, i léskiro korčo kirnjola dre phuv;

⁹ne kóli jov čhuindia (šundiá) paní, tedy jov mekéla butony, i léskire randiá vybarjona syr nevó vybarjakiriben.

¹⁰Ne manúš meréla i rosperelape; ĥáda-léske kónco (jagóro), i kaj jov isyn?

¹¹Paniá našadjonape zierostyr, i reka (len') pirijačéla te thadel:

¹²adiáke-pac' i manúš pasjola i na uštéla pale. Angíl davá, syr končynenape davá bolybén, jone na džangadjona, na uštena péskire soibnastyr.

¹³O, sob (kaj) Tu, Dévla, te garavesas man dro liúno (prieispodnia), sob (kaj) Tu te rikires man čorahanés, paka Tyrí xolý džála péske, sob (kaj) Tu te angilphenes mánge časo, so Tu dyján mánge, i te ripires man.

¹⁴Kóli manúš meréla, ci otdžidjola jov nevés? Me užakiravas saré dyvesá, dre savé me kerdjom pharí butý adiáke ĥará, syr javéla lokhedýr mánge:

¹⁵Tu kharesas man, i me otphenavas Túke; sob (kaj) Túte drieván kamesas te dykhés man, konés Tu sozdyjan.

¹⁶Pal-dová so akaná Tu ginesa miré šagi (lamnia): sob (kaj) tu te na dykhés rakhibnýtkes pe miré gréhi?

¹⁷Miré čoré réndy isyn phandle pe jakhítko (čergenorí) dro kapšuko, i Tu zaphandesa saró miro čoripén.

¹⁸I, čačó; syr bérgi peréna i rospharadjona sarésa, i skála kharélape (zdžála) péskire štetóstyr,

¹⁹a paniá roskerena pe nábut (kutý) bará, i baré paningá vymorena pylo phuvjátyr, adiáke-pac' tu xasiakiresa manušeskiri nadiéia.

²⁰Tu prilesa upralypén pe léste pe ŭsády (sak), i jov udžala sarésa; Tu paruvesa léskiro muj i bičhavesa krig les.

²¹Te jačen léskire čhavé dre patýv, — jov na džinéla, ci kóli tieliakirena léskire čhavén, — jov na rozdykhela davá.

²²Ne adiáke ĥará (dlúges), syr léskire masá (loč) isyn džidé, adákicy javéna i dukhá léste, i léskiro di javéla zoralés te tuginel.”