Read Biblija - Pe Baltitko Romani čib (Romanes) 2019 Baltic Romani Bible Ióvo 17 Bible Online

Ióvo 17 - Biblija - Pe Baltitko Romani čib (Romanes) 2019 Baltic Romani Bible bible

Ióvo 17

¹Mánde nane dúho (fáno), miré dyvesenge isyn kónco (jagóro), maĥila (kula) isyn skedyny vaš mánge [mulykane/groby-r.s.].

²Pašýl mánde isyn manušá, kon salape xoliames, ne miré jakhá dykhenas, syr jone bimanušytkes peréna pe mánde.

³Dévla! Jav miro dudvalo! Čhuv symadý (zalogo) pal mánde Péske. Kon ža javír saštý te marel pir vastá pal mánde?

⁴Pal-dová so Tu garadian léngire-malengire ile te ĥaljon, paldavá Tu na domekesa, sob (kaj) jone te ĥazdénpe.

⁵Kon rakiréla xohanés péskire malenca, kodolé-čhavéngire jakhá pirijačena te dykhén.

⁶I Devél kerdiá adiáke, so me jacjom syr pritča vaš manušénge; me jacjom kadasavó manúš, pe konéste čungardena dro muj.

⁷Miré jakhá pirijačne te dykhén miré tugatyr, i saré miré kokalý jačné syr zer (tien').

⁸Čačuné manušá divinenape daléstyr, i bibangipnaskiro ĥazdélape xoliása pe mánde sýrby pe dujé-mujéngireste.

⁹Ne čačunó javéla te rikirelpe ke péskiro drom, i konéste isyn žužé vastá, odová manúš javéla zoraledýr dro péskiro dúho.

¹⁰Ne, me mangáva, javén saré pale, pale-dová so me na lathjom maškír tuménde jekhe godé manušés.

¹¹Miré dyvesá proginé, miro kamiben dro džiibén biladyja (rastopindia), adiáke-pac' i miré-iléskire dúmy.

¹²Miré malá parude rat dro dyvés, i kiéli javéla kalypén, jone rakiréna, so syg dud javéla.

¹³Kóli vari-so isyn mánge te užakirav, davá isyn liúno (prieispodnia), sob (kaj) jov te javél syr kher mánge, i sob (kaj) mánge te keráv miro čhuibén dro kalypén:

¹⁴tedy me dáva gódla maĥilake: “Tu san syr dad mánge!” I kirmeske: “Tu san syr daj i phen mánge.”

¹⁵Sóstyr mánge tedy te užakirav lačhipén? O, mirí nadiéia, ci vari-kon džinéla pal davá?

¹⁶Ci joi, mirí nadiéia saštý te džal telé pal mánde ke liunoskiri pórta (vráty), sob (kaj) aménge khetané te otkhinjovas dro práho.”