Read Biblija - Pe Baltitko Romani čib (Romanes) 2019 Baltic Romani Bible Ióvo 40 Bible Online

Ióvo 40 - Biblija - Pe Baltitko Romani čib (Romanes) 2019 Baltic Romani Bible bible

Ióvo 40

¹[6] Tén'ci otphendiá Raj Devél Iovoske riskiribnáskire balvaliatyr (vihrostyr) i phendiá:

²[7] “Podphandepe i jav skedynó syr murš; Me javáva te phučav tútyr, a tu javésa te otphenes mánge:

³[8] Ci phagiresa tu, čačes, Miro čačipén? Ci javésa tu zoralés te obsendines Man, sob (kaj) tu te javes čačakirdo?

⁴[9] Ci san tu zoraló adiáke, syr Me som? Ci isyn túte dasaví zan syr gromostyr?

⁵[10] Tén'ci gožakir pes baripnasa i kučipnasa, uripe dro rajkanypen i šuk.

⁶[11] Vyčhuv sarí péskiri xolý, podykh pe kažnonéste, kon isyn phut'kirdo i teliakir les;

⁷[12] Podykh pe svakoneste, kon phucjola, čhuv telé les; štakur telé fujé manušén pe léngire štéty.

⁸[13] Garav len khetané dro práho, i čhakir léngire muiá čorahanés,

⁹[14] tedy Me adiáke-pac' pridžinava tut, so tyró čačó vast moginéla te rakhél tut.

¹⁰[15] Dykh akaná pe biegiemotoste, savés Me sozdyjom syr i tut: jov xála čar syr guruv.

¹¹[16] Ĥáda, dykh, savó zoralypén isyn dre léskire ĥerjakire stacia, i saví zor isyn dre léskire-pereskire masá.

¹²[17] Jov band'kirela porjasa syr kiedrosa, a žyly pe léskiro per zoralés khode.

¹³[18] Léskire kokalý isyn sýrby bronzytka truby, a léskire pašvare isyn sýrby sastyriny (želieziny).

¹⁴[19] Jov isyn naj zoraledýr, konés Devél sozdyjá: jekh Jov, Savó sozdyjá les, déla ráda te janel pašedyr Péskiri kurtála ke jov.

¹⁵[19] Bérgi, kaj broinena saré feldýtka murdalá, déna xabén léske.

¹⁶[20] Jov pasjola tel lotoskire kaštá, kaj garavena les triščyna (trosniko) i drič (boloto).

¹⁷[21] Lotoskire kaštá učhakirena les péskire zerjasa, les občhuvena vierby paš rekicy.

¹⁸[22] Mek reka (len') ĥazdélape paniésa, ne jov isyn štyl: jov isyn zoralés terdó, mek kokoró Iordáno (Jordano) te čhuvelpe dro léskiro muj.

¹⁹[23] Kon déla ráda te lel les angíl léskire jakhá? Ci kon pusavela léske dro nakh feliakire spicasa?

²⁰[24] Ci vyterdesa tu Lieviafanos nanglesa, i ci pritasavesa tu léskiri čib šelesa?

²¹[41.1-ju.o.] Ci désa ráda tu te včhuves šelo triščynatyr dre léskire ruthunia (nozdri)?

²²[2] Ci javéla davá Lieviafano but te mangél tut, sob (kaj) tu te potangines Les? Ci javéla jov te rakirél kovles túsa?

²³[3] Ci javéla jov te kerél štama (dorakiribén) túsa? Ci lésa tu les syr pisharís pe usady (sak)?

²⁴[4] Ci javésa tu te broines lésa syr čirikliasa? Ci désa ráda tu te phandes les vaš péskire-štubakire raklor'jenge?

²⁵[5] Ci javéna te kofarinen lésa tyré dróga malá? Ci javéna te roskeren les kúpcy (tylgárja) maškír péste?

²⁶[6] Ci désa ráda tu te pusaves dre léskiri cýpa maribnytkoné bustiasa? Ci čilavesa tu léskiro šeró mačhar'jengire bustiasa?

²⁷[7] Čhuv péskiro vast jékhvar pe léste; rípir davá maribén; na ker butýr davá.