Read Biblija - Pe Baltitko Romani čib (Romanes) 2019 Baltic Romani Bible Psalmy 111 Bible Online

Psalmy 111 - Biblija - Pe Baltitko Romani čib (Romanes) 2019 Baltic Romani Bible bible

Psalmy 111

¹[110-r.s.] Alliluia. Me javáva te slavinav i te parikiráv Ráske-Devléske saré miré ilésa maškír čačipnaskirende i pe skedyibén.

²Save baré butiá kerdiá Raj Devél. Saré, konéske jačné dróga jone, kaména davá te ĥaljon.

³Saró, so keréla Raj Devél, isyn patyvalo i slavútno, i Léskiro čačipén jačélape pe saré viéki.

⁴Jov kerdiá adiáke, so Léskire dívy ripirena. Raj Devél isyn lačhé-dieskiro i tanginela sarén.

⁵Jov déla xabén odolénge, kon daréla Léstyr, Jov usady (sak) ripirela Léskiro Zakóno.

⁶Jov sykadiá zor Léskire manušénge Péskire butiendyr, sob (kaj) te den lénge Najudengire-nacyiengiro meknó mištypén.

⁷Jov saró keréla pir patiaibén i čačipén; saré Léskire priphenybená isyn patiaibnytka:

⁸jone čhudé khetané pe saré viéki, jone dyné pir patiaibén i čačipén.

⁹Jov vyrakhcia Péskire manušén, Jov dyjá Péskiro Zakóno pe saré viéki: svénto až ke dar isyn Léskiro lav.

¹⁰Kon léla te darel Rástyr-Devléstyr, odová léla godý péske, a sarénde, kon dživéla i keréla pir Léskire priphenybená, isyn lačhí godý. Te šarén Les pe saré viéki.