Read Biblija - Pe Baltitko Romani čib (Romanes) 2019 Baltic Romani Bible Psalmy 127 Bible Online

Psalmy 127 - Biblija - Pe Baltitko Romani čib (Romanes) 2019 Baltic Romani Bible bible

Psalmy 127

¹[126-r.s.] Gilý angíl Khangirí. Solomonóskiri. Kóli Raj Devél te na ĥazdel Kokoró Kher, ivjá (naprásnes) tedy kerénas butý odolé, savé čhuvéna les; kóli Raj Devél te na rakhelas fóro, tedy stregari (ohraniko), savó rakhéla, ivjá kerélas davá.

²Davá te javél ivjá réndo vaš túke, so tu uštesa tasiárles (ránes), so tu san beštó ke korigipén (ke póznyma), so tu xasa maró pale pharé butiátyr. Raj Devél déla xabén kodoléske, savés Jov kaméla, dre suné.

³Ake, čhavé isyn syr meknó mištypén Rástyr-Devléstyr; jone isyn bahtalypén dákire ločoviátyr.

⁴Syr maribnýtka bustiá (striély) dro xaladeskiro vast, adiáke-pac' isyn čhavé terné dadéskire.

⁵Bahtaló isyn manúš, savéste isyn but dasavé bustiá dro kolčano. Jone na javéna ladžakirdé, kiéli jone javéna te xaspe namalenca pašýl pórta, kaj sendy džána.