Read Biblija - Pe Baltitko Romani čib (Romanes) 2019 Baltic Romani Bible Psalmy 136 Bible Online

Psalmy 136 - Biblija - Pe Baltitko Romani čib (Romanes) 2019 Baltic Romani Bible bible

Psalmy 136

¹[135-r.s.] Parikirén Ráske-Devléske, pal-dová so Jov isyn lačhó, pal-dová so Léskiro drógo lačhipén jačélape pe saré viéki;

²parikirén Devléske, Savó isyn Sámo (Naj) Vučedýr pe saré devlorende; pal-dová so Léskiro drógo lačhipén jačélape pe saré viéki.

³Parikirén Ráske-Devléske, Savó isyn Baredýr saré randyr, pal-dová so Léskiro drógo lačhipén jačélape pe saré viéki,

⁴Léske, Savó Kokoró keréla baré dívy, pal-dová so Léskiro drógo lačhipén jačélape pe saré viéki:

⁵Léske, Kon sozdyjá godypnasa bolybén, pal-dová so Léskiro drógo lačhipén jačélape pe saré viéki;

⁶Léske, Kon rosčhudiá phuv uprál paniendyr, pal-dová so Léskiro drógo lačhipén jačélape pe saré viéki;

⁷Léske, Kon kerdiá baré duda (svietily), pal-dová so Léskiro drógo lačhipén jačélape pe saré viéki; —

⁸kham, sob (kaj) te rikirén zor pe phuv dyvesé, pal-dová so Léskiro drógo lačhipén jačélape pe saré viéki,

⁹čhon i čergeniá, sob (kaj) te rikirén zor pe phuv ratý, pal-dová so Léskiro drógo lačhipén jačélape pe saré viéki:

¹⁰Léske, Kon muliakirdiá saré pervoné bijandle bijatén Jegiptóstyr, pal-dová so Léskiro drógo lačhipén jačélape pe saré viéki,

¹¹i Savó vylydžijá Izrailjo maškír lénde, pal-dová so Léskiro drógo lačhipén jačélape pe saré viéki,

¹²zoralé vastésa i ĥazdyné psikesa, pal-dová so Léskiro drógo lačhipén jačélape pe saré viéki.

¹³Léske, Kon roskerdiá pe pašá Loló mórjo (derjáv), pal-dová so Léskiro drógo lačhipén jačélape pe saré viéki,

¹⁴Kon kerdiá adiáke, so Izrailjo progijá (nakhja) maškirál davá štéto, pal-dová so Léskiro drógo lačhipén jačélape pe saré viéki,

¹⁵ne piririskirdia Faraonos i léskiro xaladybén dro Loló mórjo (derjáv), pal-dová so Léskiro drógo lačhipén jačélape pe saré viéki;

¹⁶Léske, Kon lydžijá angíl péskire manušén pir čhučé prahi, pal-dová so Léskiro drógo lačhipén jačélape pe saré viéki;

¹⁷Léske, Kon muliakirdiá baré kral'jén, pal-dová so Léskiro drógo lačhipén jačélape pe saré viéki;

¹⁸i zamardiá slavutnone kral'jén, pal-dová so Léskiro drógo lačhipén jačélape pe saré viéki;

¹⁹Sigonos, Amoriejéngire Kralís, pal-dová so Léskiro drógo lačhipén jačélape pe saré viéki;

²⁰i Ogos Vasanoskire kralís, pal-dová so Léskiro drógo lačhipén jačélape pe saré viéki,

²¹Jov dyjá léngiri phuv syr meknó mištypén, pal-dová so Léskiro drógo lačhipén jačélape pe saré viéki,

²²meknó mištypén Izrailjoske, Léskire pisharíske, pal-dová so Léskiro drógo lačhipén jačélape pe saré viéki;

²³Jov ripirdia amen syr ame sámas pe telatuno štéto, pal-dová so Léskiro drógo lačhipén jačélape pe saré viéki;

²⁴i Jov vyrakhcia amen amaré vergéndyr, pal-dová so Léskiro drógo lačhipén jačélape pe saré viéki:

²⁵Kon déla xabén kažnoné ločake (plotiake), pal-dová so Léskiro drógo lačhipén jačélape pe saré viéki.

²⁶Parikirén bolybnáskire Devléske, pal-dová so Léskiro drógo lačhipén jačélape pe saré viéki.