Read Biblija - Pe Baltitko Romani čib (Romanes) 2019 Baltic Romani Bible Psalmy 142 Bible Online

Psalmy 142 - Biblija - Pe Baltitko Romani čib (Romanes) 2019 Baltic Romani Bible bible

Psalmy 142

¹[141-r.s.] Davidóskiro Sykliakiribén. Syr Jov mangdiápe Devléske, kiéli jov sys dre Ĥiebar (Pieščera).

²Me mangdjompe zoralés Ráske-Devléske miré zaniása.

³Me vyphendjom miré xor dúmy angíl Léste; me sykadjom Léske miro pharipén.

⁴Kiéli miro dúho (fáno) zamyjá dre mánde, tedy Tu džinésa, savé dromésa me psirava. Jone čorahanés čhudé felý pe drom, kaj me psirava.

⁵Me dykhcjom sýges pe čačí rig mándyr i dykhcjom, so nijékh na pidžkirela (na prigaljola) man, nane, kaj te garadjovav mánge, nijékh pekelape / na déla túga (zabotinelpe) pal mánde.

⁶Me dyjom gódla jasvénca ke Tu; Rajo Dévla me phendjom: “Tu san miro garadyipen, mirí dólia pe phuv, kaj dživéna.”

⁷Prišunpe, so me rovava, pal-dová so me dogijom sarésa ke phuv, zrákh man odoléndyr, savé tradéna man, pal-dová so jone isyn zoraledýr mándyr.

⁸Jan miro di pe vólia štaribnastyr te parikiráv i te vyšarav Tyró lav. Čačipnaskire skedénape trusciál mánde, pal-dová so Tu barvales bahtiakirdian man.