Read Biblija - Pe Baltitko Romani čib (Romanes) 2019 Baltic Romani Bible Psalmy 143 Bible Online

Psalmy 143 - Biblija - Pe Baltitko Romani čib (Romanes) 2019 Baltic Romani Bible bible

Psalmy 143

¹[142-r.s.] Davidóskiro Psálmo. Rajo Dévla, šun mirí pátieri (molítva) Túke, pričhúv kan ke dová, pal so me mangáva! Otphen mánge Tyré patiaibnastyr, Tyré čačipnastyr.

²I na terdjov te sendiakires Tyré pisharís; pal-dová so nijékh nane bidošéngiro angíl Tyrí godý.

³Pal-dová so vérgo (vrogo) tradelape pal miro di: jov pritasadia miro džiibén dre phuv; jov začhudia man te dživáv dro kalypén (ciamlypén), i me som sýrby muló.

⁴Paldavá miro dúho (fáno) zamyjá dre mánde, mánge isyn drieván pharó pe iló.

⁵Me ripirava ĥaratuné beršá, me rozlava saré Tyré butiá; me rozduminava xor pal Tyré-vastengire butiá.

⁶Me tyrdava miré vastá ke Tu: miro di isyn trušaló (žaždynela) pal Túte sýrby phuv, savi isyn trušaly (žaždynela) pal bryšýnd. Séla.

⁷Otphen sýges mánge, o Rajo Dévla! Miro dúho (fáno) zamerela; na garav Tyró muj mándyr, sob (kaj) mánge te na javav sýrby kodolé, savé džána telé dre ĥanbín (jama).

⁸Ker, sob (kaj) me te šunav pal Tyrí lačhé-ilýtkima tasiarlatyr (rankostyr), pal-dová so me zoralés patiáva dre Túte. Ker adiáke, sob (kaj) me te džináv drom, savésa te psirav, pal-dová so me ĥazdáva miro di ke Tu.

⁹O, Rajo Dévla! Zrákh man miré vergéndyr: pal-dová so me ke Tu našava te garadjovav.

¹⁰Sykliákir man te keráv pir Tyrí vólia, pal-dová so Tu san miro Devél; mek Tyró lačhó Dúho (Fáno) te lydžál man pe čačipnaskiri phuv.

¹¹O, Rajo Dévla! Vaš Tyró lav, džidiákir nevéstyr man. Lýdža man krig pharipnastyr pir Tyró čačipén.

¹²Tyré lačhé-ilytkimatyr rosčhurde dre rig miré vergén te xasjon i xasiakir saré odolén, savé pritasavéna miro di, pal-dová so me som Tyró pishári.