Read Biblija - Pe Baltitko Romani čib (Romanes) 2019 Baltic Romani Bible Psalmy 148 Bible Online

Psalmy 148 - Biblija - Pe Baltitko Romani čib (Romanes) 2019 Baltic Romani Bible bible

Psalmy 148

¹Alliluia! Šarén Ras-Devlés bolybnástyr; šarén Les, Kon dživéla uprál.

²Mek te šarén Les saré Léskire Jangóly, mek te šarén Les saré bolybnáskire Jangóly.

³Šarén Les, kham i čhon, mek te šarén Les saré čergeniá, so xačona.

⁴Šarén Les, naj vučedýr bolybén i paniá, so isyn uprál (upré) bolybnástyr.

⁵Mek jone te šarén Ráskire-Devléskiro lav, pal-dová so Jov priphendiá i jone kerdépe:

⁶I Jov dyjá zor lénge ŭsády (sak) i pe saré viéki; Jov dyjá priphenybnytko statúto, so jone na obdžana les.

⁷Mek te šarén Ras-Devlés phuvjátyr: morjoskire (derjavéskire) rúpučy i saré xor štéty;

⁸iag i ĥrado, iv i thuv, zoralý balvál, savé keréna pir léskiro lav;

⁹bérgi i saré bérgicy, phabakire kaštá (drevy) i saré kiedry;

¹⁰riskiribnáskire murdalá (zvieri) i saré kherítka murdalá, capniá i čiriklé/iá phakénca (krylenca);

¹¹králja pe phuv i saré manušá, thagárja i saré sendárja pe phuv.

¹²Tyrne manušá i adiáke-pac' patyvalé terné džuvliá, phuré manušá ternenca,

¹³mek jone te šarén Ráskire-Devléskiro lav; pal-dová so jekh Léskiro lav trej te šarén ke vučipén; Léskiri sláva isyn vučedýr phuvjátyr i bolybnástyr.

¹⁴I Jov ĥazdyjá Léskire-manušéngiro destó, Savó déla zor, sob (kaj) te šarén Les Léskire svénta Izrailjoskire čhavé, savé isyn pašyledýr ke Jov. Alliluia.