Read Biblija - Pe Baltitko Romani čib (Romanes) 2019 Baltic Romani Bible Psalmy 19 Bible Online

Psalmy 19 - Biblija - Pe Baltitko Romani čib (Romanes) 2019 Baltic Romani Bible bible

Psalmy 19

¹[18-r.s.] Xoróskire Dirižiroske. Davidóskiro Psálmo.

²Bolybén dudvaliakirela (rosphenéla) pal Devléskiri bari sláva i svetoskiro buĥlypén (svódo) sykavéla, so Devél sozdyjá.

³Kažno dyvés piriphenela lavá javire dyveseske, i rat piridela lavá te džinél javire ratiake.

⁴Nane čib, nane lavá, sob (kaj) te na javél jekhori zan šundly,

⁵Léngire-glosakiri miéra rozdžalape pir sarí phuv i léngire lavá až ke jagóry (ke priediely) phuvjákire.

⁶Devél čhudiá štéto te dživél khameske dre lénde, savó vydžála syr ternó bjavitkone štubatyr. Jov radynélape syr prastaibnaskiro manúš angíl dová, syr te prastal pe prizo.

⁷Jov (kham) léla te džal bolybnáskire jagoróstyr i léskiro krugo dodžála ke javír Bolybnáskiro jagóro (krajo) i nisó naštý te garadjol Léskire xačkiribnastyr.

⁸Ráskire-Devléskiro Zakóno isyn bidošéngiro, so déla zor dieske. Ráskire-Devléskiro dophenybén isyn čačunó, so déla godý odoléske, konéske davá trej.

⁹Ráskire-Devléskire uphenybená isyn čačuné, jone lošakirena (viesielinena) iló; Ráskire-Devléskire dophenybena isyn čystone-iléskire, jone déna jasnyma jakhenge.

¹⁰Dar angíl Raste-Devléste isyn čačuný sarésa, joj iačélape pe saré viéki. Ráskire-Devléskiro séndo isyn čačunó, jone isyn saré čačipnastyr.

¹¹Jone isyn mol butýr suvnakástyr, až butýr čačuné suvnakástyr i gudledyr avginestyr i sotengire kropliendyr avginestyr.

¹²Uphenybená adiáke-pac' podsykliakirde man, Tyré dynarís, me dorescjom but lačhipén, kiéli me prirakhcjom len.

¹³Konéske saštý te ĥaljol péskire doša? Otmek mánge miré gréhi, savé me na ĥaljovava,

¹⁴Rikir dre rig, Tyré pisharís, nartone grehéndyr; mek jone te na len lofo pe mánde: tén'či me javáva bidošéngiro, i me javáva bibangipnaskiro angíl Zakóno.

¹⁵[r.s.] Mek miré moskire lavá i léskiro rozlyiben te javén lačhé Túke, Miro Rajo Dévla. Tu san mirí Bérga te ĥaradjovav i Miro zrakhibnaskiro.