Read Biblija - Pe Baltitko Romani čib (Romanes) 2019 Baltic Romani Bible Psalmy 2 Bible Online

Psalmy 2 - Biblija - Pe Baltitko Romani čib (Romanes) 2019 Baltic Romani Bible bible

Psalmy 2

¹Davidóskiro Psálmo. Proročytko Lav, syr javéla te kralinél Čhavó Manušéskiro. Sóske Najudýtka nácyi buntuinena, i rozlena čhučé (pusta) réndy?

²Léngire králja gazdenape proti i léngire theméskire barydyrá zrakirenape proti Raste-Devléste i Odoléste, Konés Jov pomakhcia, rakirí:

³“Javén, rozriskirasa pe pašá léngire sastyrá i čhurdasa péstyr léngire zandirjá (cépi/kovy).”

⁴Odová, Kon dživéla dro Bolybnáskiro Raj, javéla te salpe i Raj Devél javéla te prosal len.

⁵Tén'ci Jov phenéla lénge dre Péskiri xolý i Jov strahakirela len Péskire baré xolynasa:

⁶“Čačó, me čhudjom Péskire kralís pe mirí Svénto bérga Sióno.”

⁷“Me phenáva Zakóno manušénge te džinén: Raj Devél phendiá mánge: ‘Tu san Miro Čhavó. Me adadyvés jacjom Dadésa Túke.

⁸Mang Mándyr, i Me dáva túke manušypnaskire rasy syr meknó mištypén i sarí phuv javéla tyrí:

⁹Tu rozmaresa len sastruné destesa (žezlosa) i tu rozmaresa len pe koterá (kuski) syr piritkoneskiro khoró (sasudo).’”

¹⁰I kakaná, kraljále, javén god'varé, sykljon, tumé san sendárja pe phuv.

¹¹Dynarinén Ráske-Devléske darása i radynénpe izdraniasa.

¹²Kutiakiren Čhavés, sob (kaj) tumé te na xasjon dromésa, a Léskiri xolý saštý te roshačol sýges. Bahtalé isyn odolé, savé patiána dre Léste.