Read Biblija - Pe Baltitko Romani čib (Romanes) 2019 Baltic Romani Bible Psalmy 20 Bible Online

Psalmy 20 - Biblija - Pe Baltitko Romani čib (Romanes) 2019 Baltic Romani Bible bible

Psalmy 20

¹[19-r.s.] Xoróskire Dirižoróske. Davidóskiro Psálmo.

²Mek Raj Devél te šunél tut dro dyvés, kiéli isyn pharó; mek Jakovóskire-Devléskire lav te zrakhél tut vergéndyr;

³Mek Jov te bičhavel túke zor Léskire Sventoné Štetóstyr i te podrikirél tut Sionoskire Bergátyr.

⁴Mek Jov te ripirel saré tyré Svénta dyibená, i mek Jov te prilel Tyré xačkiribnaskire janybená. Séla.

⁵Mek Jov te del túke, so tyré ileske trej i, sob (kaj) te spolninélpe saré tyré plany.

⁶Ame javása te radynaspe Tyré zrakhibnastyr, i ame čhuvasa amaré sciagi amaré Devléskire lavésa. Mek Raj Devél te spolninel saró, pal so tu mangesa.

⁷Akaná me džinóm, so Raj Devél zrakhéla Péskire pomakhnes; Jov otphenéla léske Léskire sventoné Bolybnástyr, Léskire čačuné-vasteskire zorjása, so zrakhéla les.

⁸Vari-savé patiána dre maribnýtka vurdená i vari-savé dre grénde, ne ame javása te ripiras amaré Ráskire-Devléskiro lav, amaré Devléskiro.

⁹Jone bandine telé i pyné; ne ame uštyjam i sam terdé mamúj (priámes).

¹⁰[r.s.] Rajo Dévla! Ker, sob (kaj) králi te lel upralypén dro maribén. Šun amen, kiéli ame kharasa Tut.