Read Biblija - Pe Baltitko Romani čib (Romanes) 2019 Baltic Romani Bible Psalmy 21 Bible Online

Psalmy 21 - Biblija - Pe Baltitko Romani čib (Romanes) 2019 Baltic Romani Bible bible

Psalmy 21

¹[20-r.s.] Xoróskire Dirižoróske. Davidóskiro Psálmo.

²O králi radynélape Tyré zoralypnastyr, o Rajo Dévla, i jov isyn drieván lošalo (viesjolo) zrakhibnasa Tútyr.

³Tu dyján léske saró, so léskiro iló kamdiá, i Tu na otphendianpe doléstyr, so léskire uštá mangné. Séla.

⁴Pal-dová so Tu prilyjan les bahtiakiribnasa vaš lačhipén; Tu uridian viánka (koróna) čačuné suvnakástyr pe léskiro šeró.

⁵Jov mangdiá džiibén Tútyr, — Tu dyján léske dlengo džiibén pe saré viéki.

⁶Léskiri sláva isyn bari, pal-dová so Tu zrakhcián les; Tu dyján léske patýv i bari sláva.

⁷Pal-dová so Tu bahtiakirdian les pe saré viéki; Tu obradyndian les radymása, so Tu san lésa.

⁸Pal-dová so, králi patiála dre Raste-Devléste i pir Naj Vučedereskiri láska jov jačélape pe trono.

⁹Tyró vast dodžála ke saré léskire vérgi; Tyró čačó vast uhtyléla sarén, kon bidykhela Tut.

¹⁰Tu kerésa léndyr xačkirdo bov jagása, syr Tu javésa; Rajo Dévla nakhavela len dre Léskiri xolý i jag xála ke xas' len.

¹¹Tu xasiakiresa léngire čhavorén, kon isyn pe phuv, i odolén, kon džála pal lénde manušéndyr.

¹²Pal-dová so jone zrakirdepe te kerén čoripén Túke; jone obmierkindle péskire fuj mysli; savé jone na déna ráda te kerén,

¹³pal-dová so Tu riskiresa ke jone dumesa; Tu riskiresa maribnýtka bustiá (striély) pe Péskiro lúko pe léngire muiá.

¹⁴[r.s.] Te javél Túke bari patýv, Rajo Dévla, pal Tyró zoralypén; ame javása te bagas i te šaras tyrí zor.