Read Biblija - Pe Baltitko Romani čib (Romanes) 2019 Baltic Romani Bible Psalmy 24 Bible Online

Psalmy 24 - Biblija - Pe Baltitko Romani čib (Romanes) 2019 Baltic Romani Bible bible

Psalmy 24

¹[23-r.s.] Davidóskiro Psálmo. Sarí phuv isyn Devléskiri i saró, so isyn dro svéto, isyn Léskiro, i saré, kon dživéla pe davá svéto (lot).

²Pal-dová so Jov čhudiá phuvjákiro fundámiento, pe xor móri (derjavá) i čhudiá davá-pac' pe paniá.

³Kon saštý te džal upré pe Ráskire-Devléskiro vučipén? Kon saštý te terdjol pe Léskiro svénto štéto?

⁴Kodová, konéste vastá isyn žužé (čysta), konéste isyn lačhó iló. Kon na sovlahadiá péskire ilésa ivjá, i kon na sovlahadiá xohanés.

⁵Kodová doreséla bahtiakiribén Rástyr-Devléstyr i čačipén Devléstyr, Savó zrakhéla.

⁶Davá isyn odolé manušá, savé rodéna Les, davá isyn Jakovóskiro ródo, kon rodéla Tyró muj. Séla.

⁷Psiraven (otkeren) buĥles pórty te javén ĥazdyné ĥaratuné vudará dro Khangirí. Slavútno Králi zadžála dre lénde.

⁸Kon isyn Bolybnáskiro Králi? Raj Devél, Savó isyn zoraló i dro zoralypén? Raj Devél isyn zoralypnaskiro ke meribén!

⁹Psiraven buĥles pórty! I te javén ĥazdyné vudará dro viéčno džiibén! Bolybnáskiro Králi zadžála dre lénde.

¹⁰Kon isyn Bolybnáskiro Králi? Raj Devél, Savó isyn pe bolybnáskire Jangolende, Jov isyn Bolybnáskiro Králi. Séla.