Read Biblija - Pe Baltitko Romani čib (Romanes) 2019 Baltic Romani Bible Psalmy 29 Bible Online

Psalmy 29 - Biblija - Pe Baltitko Romani čib (Romanes) 2019 Baltic Romani Bible bible

Psalmy 29

¹[28-r.s.] Davidóskiro Psálmo. Šarén Ras-Devlés, tumé, bolybnýtka zorja, šarén Ras-Devlés pal Léskiri sláva i zoralypén;

²Šarén Ras-Devlés pal Léskiro slavútno lav. Pokloninenpe (kerén šerésa) patyvása Ráske-Devléske dro Léskiro mangipnytko šukaripén.

³Ráskire-Devléskiri zan isyn uprál pe paniá; Slavútno Devél grukinela; Raj Devél isyn uprál pe vučé paniá.

⁴Ráskire-Devléskiri zan isyn zoralypnaskiri, Ráskire-Devléskiri zan isyn rajkany.

⁵Ráskire-Devléskiri zan phagiréla kiedry; čačó, Raj Devél phagiréla Livanoskire kiedry.

⁶I Jov začhuvela len te uhten syr cieliantos, Liváno i Siriono syr terné guruvóres.

⁷Ráskire-Devléskiri zan roskerela bliskavica jagása.

⁸Ráskire-Devléskiri zan trinskirela čhučí phuv; Raj Devél triinskirela čhučí phuv Kadesoskiri.

⁹Ráskire-Devléskiri zan začhuvela mirgen (siernen) te janén tyknin'konen, i vešá te čhurdén telé patria (listy) i saró dro léskiro štéto dro Bolybnáskiro Rajo rakiréla: “Sláva!”

¹⁰Raj Devél isyn beštó uprál pe tasadypnaskiro paning; čačó, Raj Devél isyn beštó syr Králi pe saré viéki.

¹¹Raj Devél déla zor Péskire manušénge; Raj Devél bahtiakiréla Péskire manušén ramanjosa (mirósa).