Read Biblija - Pe Baltitko Romani čib (Romanes) 2019 Baltic Romani Bible Psalmy 30 Bible Online

Psalmy 30 - Biblija - Pe Baltitko Romani čib (Romanes) 2019 Baltic Romani Bible bible

Psalmy 30

¹[29-r.s.] Davidóskiro Psálmo. Gilý, kiéli bagandle, syr Svencyndle Davidóskiro Kher.

²Me javáva te šaráv Tut, o Rajo Dévla; pal-dová so Tu ĥazdyjan man i na dyján vólia miré namalenge te radynénpe xoliása mándyr.

³O Rajo Dévla, Devél miro, me dáva gódla ke Tu te pomogines, i Tu sastiakirdian man.

⁴O Rajo Dévla, Tu vylydžijan miro di liunostyr (adostyr) i Tu zrakhcián miro džiibén, sob (kaj) me te na džav dre maĥila.

⁵Bagán šaribnytka giliá Ráske-Devléske, o, tumé saré Léskire manušá, i parikirén Léske, i ripirén léskiro Svénto Lačhipén.

⁶Pal-dová, so Léskiri xolý isyn féni (tóka) pe menta (minuta), a Léskiri láska isyn pe saró džiibén. Jasva saštý te javén bel'velié, a zlokosa (rankosa) javéla rádyma.

⁷Me phendjom péske dro mištó džiibén: “Me nijékhvar na perava.”

⁸Rajo Dévla, Tu Péskire laskatyr čhudián man, syr zoralypnaskiri bérga te terdjovav; ne Tu garadyjan mándyr i me strahadyjom.

⁹Me dyjom gódla ke Tu, o Rajo Dévla, te pomogines i me javáva te mangavpe Ráske-Devlske.

¹⁰Savó lačhipén, kóli me meráva, kiéli me džáva dre maĥila? Ci javéla práho te šarel tut? Ci javéla muló te rakirél pir saró pal Tyró čačipén?

¹¹Šun, o Rajo Dévla, sykáv Péskiri láska. O, Rajo Dévla, pode Péskiro vast te zrakhes man.

¹²Tu parudian miro roviben dro khelyben vaš mánge; Tu zlyjan miro žalobno balytko gonó (vrietiščo) praskasa (pieplosa) i Tu uridian man adiáke, so radynela man,

¹³[r.s.] sob (kaj) me te šaráv Tut saré iléstyr i te na javav štyl. Rajo Dévla, miro Devél, me javáva te parikiráv Túke pe saré viéki.