Read Biblija - Pe Baltitko Romani čib (Romanes) 2019 Baltic Romani Bible Psalmy 32 Bible Online

Psalmy 32 - Biblija - Pe Baltitko Romani čib (Romanes) 2019 Baltic Romani Bible bible

Psalmy 32

¹[31-r.s.] Davidóskiro Psálmo. Sykliakiribén. Bahtaló isyn kodová manúš, saveskiro čoripén isyn primanglo, konéskiro grého isyn otmekno.

²Bahtaló isyn manúš, konéske Raj Devél na zaginela léskiro fuipén, konéste nane xaranypen (želučo) pe iló.

³Kiéli me sómas štyl pal miré gréhi, miré kokalý vyšutine pir miro roibén gondienca i dlengone godlenca saró dyvés.

⁴So dyvés i rat Tyró vast pekavelas pharés man: miro kljoko (eniergija) pirikerdiape dro šukipen sýrby dro xačkirdo lynaj. Séla.

⁵Me priĥalyjom péskiro grého angíl Túte, i Me na garadjom péskiro čoripén Tútyr. Me phendjom: “Me javáva te priĥaljovavpe angíl Raste-Devléste; kiéli me phagirava Léskiro Zakóno”, i Tu otmekesa miré-grehoskiro čoripén. Séla.

⁶Paldavá kažno devlýtko manúš javéla te mangélpe Túke dro časo, kiéli jov saštý te lathel Tut; čačó, syr baré paniá rosčhuvenape, jone na dodžana ke dasavo manúš.

⁷Tu san Štéto te garadjovav vaš mánge: Tu prirakhesa man pharipnastyr; Tu obdžasa trusciál mánde radymakire gilienca, so Tu zrakhcián Man.

⁸Me, Raj Devél, javáva te sykliakirav tut čačipnaske i sykaváva drom, savésa trej túke te džas. Me dáva godypén túke, Mirí jakh javéla pe túte.

⁹Na jav syr graj, ci syr lošako, so lénde nane “galyiben, so len trej te den andré cugliénca i savarísa, sob (kaj) jone te podenpe Túke.

¹⁰Fuj manúš but móly peréla duhósa, ne kodová, Savó zoralés patiála dre Raste-Devléste, Raj Devél oblela lačhé-ilytkimasa.

¹¹Javén viesiéla (lošalé) dre Raste-Devléste i zoralés radynénpe, tumé, savé san čačipnaskire, i saré, kon isyn čačunó ilésa, radynénpe zoralés.