Read Biblija - Pe Baltitko Romani čib (Romanes) 2019 Baltic Romani Bible Psalmy 36 Bible Online

Psalmy 36 - Biblija - Pe Baltitko Romani čib (Romanes) 2019 Baltic Romani Bible bible

Psalmy 36

¹[35-r.s.] Xoróskire Dirižoróske. Davidóskiro Psálmo, Ráskire-Devléskiro Pishári.

²Kiéli fuj manúš keréla čoripén, léskiro iló sýrby rakiréla miré ileske: “Na trej miré jakhenge te darén Devléstyr.”

³Pal-dová so jov šarela pes xohané lavénca, jov sýrby rodéla péskiro čoripén, xaj, davá vykharela xolý dre léste.

⁴Léskire-moskire lavá isyn nalačhé i xohané; jov pirijaciá te javél godó i te kerél lačhipén.

⁵Jov priduminela čoripén, kiéli jov isyn paštó pe péskiro čhuibén, jov isyn terdó pe nálačho drom, jov na jačéla džungaló (brydinela) čoripnástyr.

⁶Rajo Dévla! Tyrí lačhé-ilýtkima dodžála ke bolybén, i tyró patiaibén isyn až ke óbloki.

⁷Tyró čačipén-davá isyn syr Devléskire bérgi. Tu sendiakiresa čačunés manušén, syr xor isyn mórjo (derjáv). Tu zrakhésa manušén i murdalén.

⁸Syr drógo isyn Tyrí lačhé-ilýtkima, o Rajo Dévla! I manušýtka čhavé garadjona dre zer (tien') Tyré phakendyr.

⁹Tu čaliakiresa len barvalé skamindestyr dro Tyró kher, Tu désa te p'jen lénge rekátyr (leniátyr) Péskire kučoné mištypnástyr.

¹⁰Pal-dová so Tu san Jekh, Kon déla džiibén sareske, Tyró dud déla dud amaré džiibnaske.

¹¹Mek te javél butedýr Tyrí lathe-ilýtkima pe odolénde, savé džinéna Tut, mek te javél butýr Tyró čačipén odolenca, konéste isyn čačipnaskire ile.

¹²Na domek, sob (kaj) phut'kirdé manušá te čhuvén péskiri ĥerój pe mánde, sob (kaj) fuj manušá te tradén man péskire vasténca.

¹³[r.s.] Dykhén! Pyné odolé, savé keréna čoripén i na moginéna te uštén.