Read Biblija - Pe Baltitko Romani čib (Romanes) 2019 Baltic Romani Bible Psalmy 46 Bible Online

Psalmy 46 - Biblija - Pe Baltitko Romani čib (Romanes) 2019 Baltic Romani Bible bible

Psalmy 46

¹[45-r.s.] Xoróskire Dirižoróske. Kariejoskire Čhavéndyr pe Čhajengiri Zan (Alamoto).

²Devél isyn amaró garadyipen i zoralypén, Jov déla vast, kiéli isyn pharó.

³Paldavá ame na strahadjovasa, mek phuv kharélape i mek bérgi te perén telé dre móri (derjavá).

⁴Mek paniá te brilinen (te rievinen) i te kerdjon pienasa, mek bérgi te trinskirenpe péskire zorjátyr. Séla.

⁵Isyn jekh reka (len'), savjákire paniá obradynena Devléskiro fóro, svénto štéto, kaj dživéla Sámo (Naj) Vučedýr.

⁶Devél isyn dro davá fóro, jov na peréla: Devél podela vast dalé foroske tasiarlatyr.

⁷Nácyi rosholiasyne, kralipená khardepe krig (zgine) štetóstyr, a Devél phendiá Péskire zaniása i phuv biladyja.

⁸Raj Devél, bolybnáskire-jangoléngiro, isyn aménca, Jakovóskiro Devél isyn amaró garadyipen. Séla.

⁹Javén, dykhén Ráskire-De-vleskire butiá, Kon kerdiá zamekiben pe phuv;

¹⁰Kon keréla adiáke, so maribena ke phuvjákire jagóry (kraí) končynenape, Jov phagiréla lúko i phagiréla čhurdypnytko bust (kop'ie) pe koterá; Jov xačkiréla sarésa jagása maribnýtka vurdená.

¹¹Javén štyl i udžinén: so me som Devél. Man javéna te barjakirén ke vučipén nácyi, Man javéna te barjakirén ke vučipén saré, kon isyn pe phuv.

¹²[r.s.] Raj Devél, bolybnáskire-jangoléngiro, isyn aménca, Jakovóskiro Devél isyn amaró garadyipen.