Read Biblija - Pe Baltitko Romani čib (Romanes) 2019 Baltic Romani Bible Psalmy 47 Bible Online

Psalmy 47 - Biblija - Pe Baltitko Romani čib (Romanes) 2019 Baltic Romani Bible bible

Psalmy 47

¹[46-r.s.] Xoróskire Dirižoróske. Kariejoskire Čhavéngiro Psálmo.

²Saré, manušýtka nácyi, marén dre vastá, radynénpe zoralés Devléske vučone zaniása.

³So Raj Devél, Sámo (Naj) Vučedýr, dela dar, Jov isyn baró Králi pir sarí phuv!

⁴Jov teliakirela saré manušýtka rasy tel aménde i Najudýtka nácyi tel amaré ĥerá.

⁵Jov vykedyjá amaró meknó mištypén vaš aménge, baró vyčedyripen Jakovóskiro, kon isyn drógo Léske. Séla.

⁶Devél gijá upré pe trono godlypnasa, rogoskire (trubakire) bašaibnasa, Raj Devél.

⁷Bagán šaribnytka giliá Devléske, bagán šaribnytka giliá amaré Kralíske, bagán šaribnytka giliá.

⁸So Devél isyn Králi pir sarí phuv; bagán psálmo god'vares.

⁹Devél kralinela pe Najudýtka nácyi; Devél isyn beštó pe Léskiro svénto trono.

¹⁰[r.s.] Baré raja manušytkoné nacyiéndyr kedenape khetané, syr manušá Avraamóskire Devléstyr. Pal-dová so ščýty pe phuv isyn Devléskire; Jov isyn ĥazdynó vučedýr saréstyr.