Read Biblija - Pe Baltitko Romani čib (Romanes) 2019 Baltic Romani Bible Psalmy 48 Bible Online

Psalmy 48 - Biblija - Pe Baltitko Romani čib (Romanes) 2019 Baltic Romani Bible bible

Psalmy 48

¹[47-r.s.] Xoróskire Dirižoróske. Kariejoskire-Čhavéndyr Psálmo.

²Devél isyn baró i Les drieván šarena dro amaró Devléskiro fóro, pe Léskiri svénto bérga.

³Bérga Sióno isyn šukár i vučí, joj isyn saré-phuvjákiri rádyma, i isyn pe paš-ratitka (sievierna) jagóry (krái), fóro, kaj isyn baró králi.

⁴Devél sykadiá, so saštý te garadjos dre Léskire-foróskiro rikiriben bidatyr:

⁵ĥáda, strenindlepe králja i giné péske,

⁶jone dykhné i jone drieván divindlépe,

⁷jone strahádyne i našné, jone lyné te izdran dukhasa sýrby džuvlý, saví bijanéla.

⁸Tu phagiresa Farsisoskire pármy (korabli) vastočnone balvaliasa.

⁹Syr ame šundiám, adiáke-pac' ame dykhciam dro fóro amaré Ráskire-Devléskiro, bolybnáskire-jangoléngiro, dro fóro amaré Devléskiro, savó Devél začhudia pe saré viéki. Séla.

¹⁰Ame dumindiam pal Tyró drógo lačhipén, o Dévla, maškír Tyrí Khangirí.

¹¹Syr Tyró lav isyn, adiáke-pac' i šaribena pal Túte džána ke phuvjákire jagóry (kraí), Tyró čačó vast kralinela čačipnása.

¹²Mek te javél lošaly (viesjolo) Sionóskiri bérga, mek te javén viesiéla (lošalé) Judejákire čhaja, so Tu sendiakiresa čačunés.

¹³Džán trusciál Sióno i obdžan, pašýl léste; podginen léskire vučardia (bašni),

¹⁴riskirén Péskiro iló ke foróskire valy, pridykhenpe ke léskire gredy (dvory), sob (kaj) tuménge te phenén manušéngire rodénge, savé javéna,

¹⁵[r.s.] so davá Devél isyn amaró Devél pe saré viéki i ŭsády (sak): Jov javéla te lydžál amen až ke meribén.