Read Biblija - Pe Baltitko Romani čib (Romanes) 2019 Baltic Romani Bible Psalmy 52 Bible Online

Psalmy 52 - Biblija - Pe Baltitko Romani čib (Romanes) 2019 Baltic Romani Bible bible

Psalmy 52

¹[51-r.s.] Xoróskire Dirižoróske. Sykliakiribén. Davidóskiro Psálmo,

²kiéli Dong Edumijatyr javdiá i rosphendiá Saulóske, phení: ‘Davído zagijá dro Ahimieliehoskiro kher.’

³Sóske tu šaresape fuipnasa, tu, muršari? Devléskiri lačhé-ilýtkima isyn usady (sak) mánca pe saré viéki.

⁴Tyrí čib priduminela xasibén syr vostro (čolalý) čhuri, joj keréla butý vaš xohaibén.

⁵Túke isyn pir iló fuipén butýr lačhipnastyr, tu butýr xohavesa, syr rakirésa čačipnytkes. Séla.

⁶Túke isyn pir iló lavá ke xasiakiriben, čib xohany.

⁷Devél xasiakiréla tut adiáke pe saré viéki i čhurdéla tut krig i vykušela tut šatratyr i vyriskirela tut korniénca (rukhénca) phuvjátyr, kaj dživéna manušá. Séla.

⁸Čačipnaskire manušá javéna te dykhén i na javéna te strahadjon i te sanpe léndyr, phení:

⁹“Dykhén! Ake, isyn manúš, savó na čhudiá péskiri nadiéia pe Devléste, ne jov risjolas ke péskiro barvalypén i jačelaspe zoraledýr te xasiakirél”

¹⁰[r.s.] Ne me som sýrby zeleno maslinitko drévo dro Devléskiro Kher, me risjováva ke Devléskiri lačhé-ilýtkima pe saré viéki.

¹¹[r.s.] Me javáva ŭsády (sak) te parikiráv Devléske pe saré viéki, so Tu kerdián davá, Dévla! Me javáva te užakirav lačhipén Tyré lavéstyr, pal-dová so Tyró lav isyn lačhó.