Read Biblija - Pe Baltitko Romani čib (Romanes) 2019 Baltic Romani Bible Psalmy 53 Bible Online

Psalmy 53 - Biblija - Pe Baltitko Romani čib (Romanes) 2019 Baltic Romani Bible bible

Psalmy 53

¹[52-r.s.] Xoróskire Dirižoróske pe Dudka. Sykliakiribén. Davidóskiro Psálmo.

²Dylynó phendiá péske: “Nane Devlés!” Manušá jačné rozmekne: jone kerdé fuipén, sóstyr manušénge jaciá džungaló, nane ni jekhés, kon keréla pir čačipén.

³Devél podykhciá bolybnástyr pe manušéskire čhavénde, sob (kaj) te dykhél, ci isyn vari-kon, savó ĥaljolas i rodelas Devlés.

⁴Saré risiné krig, jone saré jačné čoré manušá: nane ni jekhés, kon keréla pir čačipén, nane ni jekhores!

⁵Naúšto čoré manušénde nane godý, so jone xána miré manušén sýrby jone xána maró? A jone na kharéna Devlés.

⁶Odój jone javéna dro baró trašaibén, kaj nane trašaibén, pal-dová so Devél rosčhurdela kokalý odolengire, savé obdžana trusciál (krugom) maribnása pe Léskire manušénde. Jone javéna ladžakirdé, pal-dová so Devél čhudiá len dre bipatyv.

⁷[r.s.] Kon javéla Sionóstyr te zrakhél Izrailjo! Kiéli Devél janéla pale Léskire manušén plienóstyr, tedy Jakovo javéla te radynélpe, i Izrailjo javéla bahtaló.