Read Biblija - Pe Baltitko Romani čib (Romanes) 2019 Baltic Romani Bible Psalmy 56 Bible Online

Psalmy 56 - Biblija - Pe Baltitko Romani čib (Romanes) 2019 Baltic Romani Bible bible

Psalmy 56

¹[55-r.s.] Xoróskire Dirižoróske pe Mielodija: “Golumbica, saví isyn štyl pe duratuné Štéty.” Davidoskiri Nadiéia, kiéli Filistimliáni uhtyldé Les dro Gato.

²Jav tangipnaskiro (žalostno) ke me, o Dévla, pal-dová so manušá xasiakirena man, manušá tasavena man saró dyvés.

³Miré vérgi čorjona pal mánde saró dyvés; isyn len drieván but, kon džála maribnása pe mánde.

⁴Kiéli me som dre dar, tedy me risjováva ke Tu te zrakhavpe.

⁵Me risijom ke Devél te zrakhavpe, me javáva te šaráv Léskiro lav pir Léste, me na javáva te darav, so keréla manúš mánge?

⁶Miré vérgi piririskirena miré lavá célo dyvés, saré léngire dumki isyn proti mánde te kerén čoripén.

⁷Jone skedénape khetané, jone garadjona, jone poddykhena pal miré špery (sliady), kiéli užakiréna te zamarén man.

⁸Ci jone našéna karatyr pal péskiro čoripén? Devlale! Pharáv ke phuv dalé-manušýtka nácyi dre Péskiri xolý.

⁹Tu ž gindian miré špery (sliady); kicý me psiravas bikhereskiro, čhuv miré jasva dre Péskiro khoró (sasudo), ci nane jone dre Tyrí lylvarí?

¹⁰Kiéli me dáva gódla Túke te des vast, tedy miré vérgi risjona pale: davá me džinóm, so Devél isyn pal mánde.

¹¹Pir Devléste me javáva te šaráv Léskiro lav, pir Raste-Devléste me javáva te šaráv Léskiro lav;

¹²Me risijom ke Devél te zrakhavpe, me na strahandjovava; so keréla manúš mánge?

¹³Túke, Dévla, me sovlahadjom, Túke, me parikirava syr svénto dyibén mándyr,

¹⁴[r.s.] so Tu zrakhcián miro di meribnástyr, prirakhcian miré ĥerá peribnastyr, sob (kaj) mánge saštý (možna) te psirav angíl Devléste pe dud (svéto), savó déla džiibén.