Read Biblija - Pe Baltitko Romani čib (Romanes) 2019 Baltic Romani Bible Psalmy 60 Bible Online

Psalmy 60 - Biblija - Pe Baltitko Romani čib (Romanes) 2019 Baltic Romani Bible bible

Psalmy 60

¹[59-r.s.] Xoróskire Dirižoróske. Pe Mielodija “Lilijakiro Dophenybén.” Davidoskiri Nadiéia. Vaš Sykliakiribén, kiéli jov mardiápe Sirijasa Miesopatamijatyr i Sirijasa Covanostyr i,

²kiéli Ioávo (Džoaba) risijá, syr jov zamardiá dešudúj tysiency Idumijanen pe Londytko Dólo.

³Dévla! Tu gíian krig améndyr i phagirdian amen; Tu sánas xoliamó pe aménde: akaná prilé pale amen.

⁴Tu trinskirdian phuv: Tu rozriskirdian la: sastiakir lákire riskiribena (povrieždienii), pal-dová so joj kuninelape (koliebinelape).

⁵Tu čhudián Péskre manušén angíl pharipén, Tu dyján aménge mol te izdras.

⁶Tu dyján sciago (znamjo) odolénge, savénde isyn trašaibén angíl Túte, te ĥazdén les vaš patiaibén,

⁷sob (kaj) te zrakhenpe odolé, kon jaciá drógo Túke. Pomogin te zrakhenpe Tyré čačé vastésa i otphen mánge. Séla.

⁸Devél phendiá Péskire sventymatyr: Me ĥazdavape radymása, Me roskerava Sihiemo i Me rozmierinava Sukotoskiro dólo.

⁹Miro isyn Galaádo, i miro isyn Manásija, Efriemo isyn sýrby šliemo te rakhél miro šeró, Juda isyn sýrby miro trono te kralinél.

¹⁰Moávo isyn mirí kopána (umyval'nica), pir Edómo me čhurdava mirí škornia; Filistija (Filisteja), ci na désa tu gódla zoralés radymátyr pal mánde.

¹¹Kon janéla man dro zoraló fóro? Kon lydžála man dro Edómo?

¹²Ci Tu čhurdyjan dre rig, čačes, Dévla? Ci Tu na džása angíl amaré xaladybena.

¹³[r.s.] De vast aménge proti amaré namaleste, pal-dová so xartýtko isyn podyno vast manušéndyr.

¹⁴[r.s.] Devlésa ame kerása baré réndy; Jov rostasavela amaren namalen (nadrugen).