Read Biblija - Pe Baltitko Romani čib (Romanes) 2019 Baltic Romani Bible Psalmy 62 Bible Online

Psalmy 62 - Biblija - Pe Baltitko Romani čib (Romanes) 2019 Baltic Romani Bible bible

Psalmy 62

¹[61-r.s.] Xoróskire Dirižoróske. Jeducynoske. Davidóskiro Psálmo.

²Dre Jekhéste Devléste miro di isyn štyl, Léstyr džála miro zrakhibén.

³Jov, Jekh, isyn mirí skála te zrakhavpe, i mirí tvárdyma (diz); me ž na perava.

⁴Kicý tumé javéna te perén pe jekhe manušéste? Tumé rodéna sarén te zaraven syr doiá vánta, so bandija, syr tyno, so izdrala.

⁵Jone jekh zrakirenape te zraven les léskire rajkane štetóstyr; jone bahtaljona xohaibnendyr. Jone šarena péskire mósa, ne jone prokošena dre péskire ile. Séla.

⁶Jekh dre Devléste Jekhéste miro di isyn štyl, pal-dová so me užakirava lačhipén Léstyr.

⁷Jov, Jekhdžinó, zaterdjola pal mánde i zrakhéla man, Jov isyn miro garadyipen, me na perava,

⁸Miro zrakhibén i mirí sláva Devléstyr, Savó isyn sýrby zoralý vučardý (bašnia), ke Kon me risjováva te garadjovav.

⁹Risjon ke Jov te garadjon kažno mólo, tumé, manušále, phenén saró, so isyn pe iló, angíl Léste. Ke Devél me risjováva te garadjovav. Séla.

¹⁰Čačó: manušýtka čhavé isyn sýrby bel'veliakiro phurdypen, manušéngire čhavé isyn xohaibén. Kiéli tu považynesa len pe ubladýtka (viesy), tedy jone isyn lokhedýr bel'veliakire phurdypnastyr (dunovienijostyr).

¹¹Na rískir iló te tasaven manušén, na phutjov čoribnasa. Kóli rozbarvaljosa, usajékh na otdé péskiro iló barvalypnaske.

¹²Devél phendiá jékhvar; me šundjom duj móly davá, so sarí zor isyn Devléstyr.

¹³[r.s.] Adiáke-pac' Tútyr, Rajo Dévla, sarí lačhé-ilýtkima, Tu otdesa pale kažnoné manušéske pir dová, so jov kerdiá.