Read Biblija - Pe Baltitko Romani čib (Romanes) 2019 Baltic Romani Bible Psalmy 85 Bible Online

Psalmy 85 - Biblija - Pe Baltitko Romani čib (Romanes) 2019 Baltic Romani Bible bible

Psalmy 85

¹[84-r.s.] Xoróskire Dirižoróske. Psálmo Kariejoskire-Čhavéngiro.

²O, Rajo Dévla! Tu potangindian Péskiri phuv; Tu riskirdian pale Izrailjo plienóstyr:

³Tu primangdian saró čoripén Tyré manušénge, Tu otmekcian saré léngire gréhi. Séla.

⁴Tu skedyjan ke Pe sarí Péskiri bari xolyn, Tu porisijan Tyré-xolynakire jagatyr.

⁵Dévla! Tu, Savó zrakhésa amen. Rískir pale amen, ker adiáke, sob (kaj) Tyré xoliakiri zor te pirijačel pe aménde,

⁶Ci javésa Tu ŭsády (sak) te xoliasos pe aménde. Ci javéla Tyrí xolý duredýr te javél pe saré ródy?

⁷Ci otdžidiakiresa Tu nevéstyr amen, sob (kaj) miré manušá moginénas te radynénpe dre Túte?

⁸Sykáv aménge Tyró tangipén, o Rajo Dévla, i de aménge Tyró zrakhibén.

⁹Me javáva te šunav, so Raj Devél, Devél phenéla: pal-dová so Jov javéla te rakirél pal ramánjo (miro) Péskire manušénge i Péskire devlytkonenge, sob (kaj) jone te na perén nevéstyr dro dylnypén.

¹⁰Čačó, léskiro zrakhibén javéla pašýl odolénde, savénde isyn trašaibén angíl Léste, sob (kaj) Devléskiri sláva te javél pir amarí phuv.

¹¹Lačhé-ilýtkima i patiaibén džána khetané, čačipén i ramánjo (miro) čamudenape jekh jekhésa.

¹²Patiaibén uhtela krig phuvjátyr, a čačipén javéla te dykhél telé Bolybnástyr.

¹³Čačó, Raj Devél déla lačhipén aménge i amarí phuv otdéla péskiro aplodo.

¹⁴[r.s.] Čačipén džála angíl Léste i keréla drom Léskire pirénge (stopénge).