Read Biblija - Pe Baltitko Romani čib (Romanes) 2019 Baltic Romani Bible Psalmy 92 Bible Online

Psalmy 92 - Biblija - Pe Baltitko Romani čib (Romanes) 2019 Baltic Romani Bible bible

Psalmy 92

¹[91-r.s.] Psálmo Gilý vaš Sávato.

²Davá isyn mištó te parikiras Ráske-Devléske, i te bagas šaribnytka giliá Tyré lavéske, o Naj Vučedyreskiro;

³tasiarlatyr te rakiras sarénge pal Tyrí lačhé-ilýtkima, i kažno rat pal Tyró patiaibén,

⁴bašavi pe deše-balytko strumiento, i pe luta i pe gusli dieskire mielodijasa.

⁵Pal-dová so Tu obradyndian man Péskire butienca, me javáva te bagáv zoralés i radymákires, so Tyré vastá kerdé.

⁶O, Rajo Dévla! Save baré isyn réndy (diély), so Tu kerdián! Save xor isyn Tyré dúmy!

⁷Nabaré-godiákiro manúš na džinéla davá, dylynó na galjola:

⁸kiéli fuj manušá barjona syr čar i mek kodolé, savé keréna čoripén, mek jone te javén naj šukaredyr dro džiibén, saroiekh Devél xasiakiréla len pe ŭsády (sak).

⁹I Tu, Rajo Dévla, san vučedýr saréstyr pe saré viéki.

¹⁰Pal-dová so, ake, Tyré vérgi, Rajo Dévla: ake, Tyré vérgi xasjona i saré, kon keréla čoripén, javéna rosčhurdyne.

¹¹Ne Tu ĥazdesa mirí zor sýrby šyngá (rógi) riskiribnáskire guruveste: i me som pomakhno jalune (sviažone) olivitkone dzetesa (jeliejosa).

¹²Miré jakhá javéna te radynénpe, dykh, so kerélape vergenca; miré kaná javéna te šunén radymása, so kerélape fujé manušénca, savé ĥazdynépe pe mánde.

¹³Čačunó manúš javéla naj šukaredyr, syr pal'ma jov javéla te barjol, syr kiedro dro Liváno.

¹⁴Jov isyn sýrby rand' (vetka), so isyn čhudý dre Ráskire-Devléskiro Kher, pe Devléskire gredy (dvory) jov javéla naj šukaredyr.

¹⁵Jov javéla dre zor dre phurané beršá, jov javéla sokósa (xumésa) i zeleno,

¹⁶[r.s.] sob (kaj) te sykavén sarénge, so Raj Devél isyn čačipnáskiro, i Jov isyn sýrby skála, nane načačipén dre Léste.