Read Biblija - Pe Baltitko Romani čib (Romanes) 2019 Baltic Romani Bible Psalmy 95 Bible Online

Psalmy 95 - Biblija - Pe Baltitko Romani čib (Romanes) 2019 Baltic Romani Bible bible

Psalmy 95

¹[94-r.s.] Javén te bagas zoralés Ráske-Devléske, javén te bagas zoralés radymátyr bergake, saví zrakhéla amen;

²iavén te zadžán angíl Léste šaribnasa, javén te radynaspe zoralés psalmenca angíl Léste.

³Pal-dová so Raj Devél isyn baró Devél i baró Králi, Savó isyn vučedýr saré devlorendyr.

⁴Jov isyn xuláj pe xor štéty pe phuv, i adiáke-pac' pe vučipená bergengire.

⁵Jov isyn xuláj pe mórjo (derjáv), i Jov sozdyjá les i Léskire vastá sozdyne phuv.

⁶Javén te das patýv Léske i te bandiakiras telé šeré, javén te peras pe čangá angíl Raste-Devléste, Savó sozdyjá amen.

⁷Pal-dová so Jov isyn amaró Devél: i ame sam manušá čaritkone phuvjátyr, ame sam bakré Léskire vastéstyr.

⁸Adadyvés, syr tumé šunéna Léskiri zan: “Na otriskiren péskire ile, syr dre Meriva, syr dro dyvés pal patiaibén (Masá) pe čhučí phuv;

⁹kiéli tumaré dadá propatiakirenas man, jone sprobinenas Man i jone dykhné mirí butý.

¹⁰Štardešá berš davá ródo kaliakirdia Miro iló i Me phendjom: ‘Adalé isyn manušá, savé zablendyndlepe, i jone na džinéna Miré dromá.

¹¹Paldová me i sovlahadjom dre Péskiri xolý: “Jone na zadžána pe Miro štéto te otkhinjon.’”