Read Biblija - Pe Baltitko Romani čib (Romanes) 2019 Baltic Romani Bible Psalmy 97 Bible Online

Psalmy 97 - Biblija - Pe Baltitko Romani čib (Romanes) 2019 Baltic Romani Bible bible

Psalmy 97

¹[96-r.s.] Raj Devél kralinela: mek te radynélpe phuv, mek te radynénpe but but ostrovy (džipá).

²Obloki i kalypén isyn trusciál Léste; čačipén i čačunó séndo rikiréna léskiro trono.

³Jag džála angíl Léste i xačkiréla sarésa Léskire saré vergén, savé isyn trusciál Léste

⁴Léskire bliskavícy jekhátyr (srázu) déna dud (svéto) trusciál svéto: phuv dykhéla i izdrala.

⁵Bérgi biladjona, syr mom angíl Raste-Devléste, saré phuvjakireste.

⁶Bolybén rakiréla sarénge pal léskiro čačipén i saré manušá dykhéna Léskiri sláva.

⁷Saré, kon dynarinela devlorénge, so manušá vyčhindlé, javéna ladžakirdé i odolé, savé šarenape idolenca — saré devloré déna patýv Léske.

⁸Manušá Sionóstyr šunéna i isyn ráda, i čhaja Judejátyr radynénape Tyré sendostyr, o Rajo Dévla.

⁹Pal-dová so Tu, Rajo Dévla, san Sano (Naj) Vučedýr saréstyr pir phuv; Tu san ĥazdynó drieván vučedýr saré devlorendyr.

¹⁰Tumé, kon rikiréla Ras-Devlés syr Drógima dro iló, bidykhen čoripén: “Jov prirakhela dijá Péskire Sventonengiro, Jov zrakhéla len vastéstyr čoré manušéndyr.”

¹¹Dud džála telé pe čačipnaskirende, i rádyma pe odolénde, konéste isyn čačunó iló.

¹²Radynénpe Rástyr-Devléstyr, tumé čačipnaskire; parikirén i slavinén léskiro Svénto Lav.