Read Biblija - Pe Baltitko Romani čib (Romanes) 2019 Baltic Romani Bible Isajos 10 Bible Online

Isajos 10 - Biblija - Pe Baltitko Romani čib (Romanes) 2019 Baltic Romani Bible bible

Isajos 10

¹Bida odolénge, savé déna na čačuné zakóny, savé začhinena zahale priphenybená.

²Sob (kaj) te zalen čororendyr čačunó séndo, sob (kaj) te občoren podrikiribén nazorale manušéndyr Miré narodóstyr, sob (kaj) te zalen vaš péske džuvlién, savé isyn biromeskire (pivlien), sob (kaj) te občoren bidadeskire čhavorén (piroten).

³So tumé javéna te kerén dro dyvés, savó javéla, kóli javéla durál tumaró xasibén? Ke kon poddžana tumé te poden vast, kaj jačkirena tumaró barvalypén?

⁴Bi Miro tumé bandjona maškír manušénde, savén zalyne dro bešyben, peréna maškír domardé manušénde. Pir saró davá, Léskiri xolý na pirijačéla i vast Léskiro isyn protyrdyno.

⁵“O, Asurie, destó Miré xoliátyr! Čhupny dro léskiro vast isyn Mirí xolý!

⁶Me bičhaváva les pe grehoskiro narodo, pe narodo, so prilyjá Mirí xolý; Me dáva léske priphenybén, sob (kaj) te čorel baré čoribnasa, sob (kaj) te doresel doresybén, sob (kaj) te kerél dalé narodóstyr bláta pe vulíca (gása).

⁷Ne jov na adiáke poduminela, na adiáke javéla te myslinel léskiro iló léste: ‘Syr by te občorel, te zamarél but narody?’

⁸Jov phenéla: ‘Ci na saré králja isyn miré thagárja (kniázi)?

⁹Ci na Xalnjo, ci na dová, so isyn Karhiemiso, ci Jemafo na dová, so isyn Arpado? Ci Samárija na dová, so isyn Damásko?

¹⁰Kóli zalyja Miro vast idolytka kralipená, kaj butýr isyn ídoly, syr isyn dro Jerusalimo i dre Samárija.

¹¹Ci na keráva Me adiáke Jerusalimosa i léskire kerdé mujenca (izvajanijenca), syr kerdjom Me Samarijasa i lákire idolenca?’”

¹²Javéla adiáke: kóli Raj Devél keréla saró Péskiro réndo pe bérga Sióno, i dro Jerusalimo, jov phenéla: “Podykhava Me pe Asirijákire kralíste, pe phut'kirdo léskiro iló, pe jakhá léskire, savé isyn vučés ĥazdyné.

¹³Jov phenéla: “Miré zorjása, miré godiása kerdjom me dáva, pal-dová, so me som god'varó: Me paruvava narodonengire rigá (miéžy), čorava léngiro kučipén, Me čhurdava telé tronostyr, syr zoraló manúš.”

¹⁴Vast miro zauhtyldia narodonengiro barvalypén, syr zalena čiriklengire parnore, adiáke me zalyjom sarí phuv, i nikón na ĥazdyjá phak, na otkerdia muj, na phendiá ničí.”

¹⁵Ci šarelape pésa tover angíl odoléste, kon čingirela lésa? Ci phutjola rizil (pila) angíl odoléste, kon čhinela lása? Ci ĥazdélape destó pe odoléste, kon les ĥazdyjá, ci ĥazdélape destó pe odoléste, kon isyn na kašt?

¹⁶Paldavá keréla Raj Devél, bolybnáskire-jangoléngiro adiáke, so thule vyšutjona, a maškír baré léskire manušénde roshačkirela jag, xačkiréla sýrby jag.

¹⁷Dud (svéto) Izrailjoskiro javéla jagása, i Svénto léskiro — dolé jagása, saví shačkiréla i shala léskire phusadé čarjá dro jekh dyvés.

¹⁸Lačhó veš léskiro, léskiri únta (sado), shala joj sarésa, di i masá, i javéla jov, syr isyn nasvaló, savó meréla.

¹⁹Adiáke nábut jačélape kaštendyr, so bijáto len poginela.

²⁰Javéla dro dová dyvés: Izrailjoskiro jačaibén i odolé; kon zrakhciape Jakovóskire kheréstyr, na javéna te dopatian butýr odoléske, kon domardiá len, ne jone javéna te patián Ráske-Devléske, Sventoné-Izrailjoskire Devléske saré ilésa.

²¹Jačaibén obrisjola, Jakovóskiro jačaibén risjola ke zoraló Devél.

²²Kóli b te javél túte, Izrailie, adákicy manušén, kicý isyn práho pe mórjo (derjáv), obrisjola jekh jačaibén: xasibén javéla pir čačipén, pir čačipén phendló, so javéla xasibén.

²³Hasibén déla Raj Devél, Devél, bolybnáskire-jangoléngiro, pe sarí phuv.

²⁴Paldavá adiáke phenéla Raj Devél, Raj Devél, bolybnáskire-jangoléngiro: “Narodo Miro, savó dživéla pe Sióno, na dar Asurostyr. Jov vydžála pe túte, ĥazdéla pe túte péskiro destó, syr Jegípto.

²⁵Iščo (inké) nábut, sarésa nábut i prodžála Mirí xolý, obrisjola Mirí xolý, sob (kaj) te xasiakirél len.”

²⁶Ĥazdela Raj Devél, bolybnáskire-jangoléngiro, čhupny pe léste, syr tén'či, kóli sys rozmardo Madiamo pašýl bérga Oriva, ci kóli sys destó protyrdyno pe mórjo (derjáv), i Jov ĥazdéla les syr pe Jegípto.

²⁷Javéla dro dová dyvés — zlelape pharipén tyré meniatyr, peréla pharipén thule masestyr.

²⁸Jov džála pe Aiafo, prodžála Migrono, jov čhuvéla péskiro doresybén dro Mihmaso.

²⁹Jov prodžála venskone dromésa, dre Gieva jone rat'kirena; izdrala Ráma, prastándyja ke Givá Sauloskiri.

³⁰Ĥodle de tyré zaniása, Galimoskiri čhaj, mek te šunél tut Laiso, čororó Anafofo!

³¹Madmiena rosprastandyjape, odolé, kon dživéla ke Gievimo, sýges udžana.

³²Iščo (inké) dyvés javéla terdó jov ke Nova [Nob-ju.o.]; sykavéla péskire vastésa bída Sionoske, Jerusalimóskire bergake.

³³Ake, Raj Devél, Raj Devél, bolybnáskiro-jangoléngiro, sčhinela darane zorjása vétki kaštendyr, phut'kirdé javéna čingirde, vučé peréna pe phuv.

³⁴I Jov počingirela vešytko ĥenstyma sastyresa, peréla Liváno Sarezorjakirestyr, Konéste isyn zor saró te kerél.