Read Biblija - Pe Baltitko Romani čib (Romanes) 2019 Baltic Romani Bible Isajos 15 Bible Online

Isajos 15 - Biblija - Pe Baltitko Romani čib (Romanes) 2019 Baltic Romani Bible bible

Isajos 15

¹Angilphenybén pal Moavoste. — Adiáke! Ratiákiro javéla občordo i xasiakirdo Ar-Moávo; adiáke! Ratiákiro-Kir-Moávo javéla občordo i xasiakirdo!

²Jov ĥazdélape ke Baito i Divono, ĥazdélape pe vučé štéty, sob (kaj) jov te rovel; rovela Moávo pal Nevó i Miedieva, lénde sarénde isyn občhindlé balá, sarénde isyn vymurade čhora (broda).

³Pe vulícy (gásy) léngire obphandenape balytkone gonesa, pe léngire baré dromá [pe foruniá-r.s.] i pe strehi saré rovena, saró isyn dre jasva.

⁴Godlela Jesievóno i Jelieala, zan léngiri isyn šundly ke Iaaca[3], pal lénde lyné te rovén xaladé Moavostyr, di léskiro ĥazdyjápe dre léste.

⁵Rovela miro iló paló Moávo; prastána léstyr ke Sigoro, ke tríto Egla, ĥazdénape pe Luhito roibnasa; daranes godlena pir drom Xoronaimoskiro.

⁶Pal-dová so pirijaciá te thadel Nimrimoskiro paní, vyšutine féldy, vyhačija čar, nane zelenyben.

⁷Pal-dová jone isyn jačaibén barvalypnastyr; so zrakhné jone — dová pirilydžana pale reka (len') Aravijakiri.

⁸Godlena pir saró Moávo ke miéžy, ke Eglaimo isyn léskiro roibén, ke Bieer-Elimo isyn léskiro roibén.

⁹Pal-dová so dro paní Dimonoskiro thadéla rat, a Me lydžáva pe Divono iščo (inké) nevipen-ščeren (lieven), pe odolénde, kon nastiá Moavostyr i jaciápe pe daja phuv.