Read Biblija - Pe Baltitko Romani čib (Romanes) 2019 Baltic Romani Bible Isajos 18 Bible Online

Isajos 18 - Biblija - Pe Baltitko Romani čib (Romanes) 2019 Baltic Romani Bible bible

Isajos 18

¹Bida phuvjake, saví učhakiréla phakenca pir doiá rig Jefiopijakire rekendyr (lenor'jendyr).

²Saví bičhavéla manušén (poslen), sob (kaj) jone te rosphenén nevipen, pir mórjo (derjáv) i pir paní dre papirusytka lad'i. Džán sygedýr, sygna bičhaibnaskire te rosphenén, džán ke narodo, zoraló i sastó, ke narodo, so isyn darano angledýr saréstyr ke adadyvés, ke narodo vučó, savó pe saró ĥazdelpe; léskiri phuv rosčhinena réki (leniá).

³Saré tumé, kon dživéla pe svéto i pe phuv! Dykhén, kóli špéra maribnýtko ĥazdélape pe bérgi, i kóli bašady zabašavela, to šunén!

⁴Pal-dová, so adiáke phendiá mánge Raj Devél: “Me štylés dykháva Miré kheréstyr, syr lačhó tatypen dro momiento, kóli progijá bryšýnd, syr oblako pahlyniasa (rosasa), kóli skedéna maró i pekela kham.

⁵Angledýr doléstyr, syr vybarjola vinagrado (drakh) i léna les te skedén, Jov otčhinela randiá čhurjasa, i otlela i otčingirela.

⁶I jačkirena saró davá čiriklienge pe bérgi i feldytkone murdalénge (zvierienge), čirikliá javéna te dživén odój lynaskiro, a saré feldýtka murdalá (zvieri) javéna te dživén odój ivantakiro (zimakiro).

⁷Dro dová dyvés janéna Ráske-Devléske bolybnáskire-jangoleskireske, dáro zoralé i saste manušá narodóstyr, vučé i darane narodóstyr, savó pe saró ĥazdelpe te tasavel, a léskire réki (leniá) rosčhinena phuv, janéna dáro pe štéto, kaj isyn Ráskire-Devléskiro, bolybnáskire-jangoléngiro lav, pe bérga Sióno.