Read Biblija - Pe Baltitko Romani čib (Romanes) 2019 Baltic Romani Bible Isajos 3 Bible Online

Isajos 3 - Biblija - Pe Baltitko Romani čib (Romanes) 2019 Baltic Romani Bible bible

Isajos 3

¹Ake, Raj Devél, Raj Devél bolybnáskire-jangoléngiro, zalela Jerusalimóstyr i Judejátyr khija i destó, podrikiribén marésa i podrikiribén paniésa.

²Ras i xalades, sendaris i prorokós, manušés, savó isyn čorahano (magiko) i phures,

³Pandždešengire, šerales i baré ras, i god'varé manušés, manušés, savó keréla šukaripén, i odolés, kon džinéla, syr kuč te rakirél.

⁴I Me dáva lénge terné-beršengiren dre barydyrende, čhavoré javéna te rossendiakiren (te xulainen) maškír lénde.

⁵Jekh javéla tasado javiresa dro narodo, kažno javéla zatasado péskire pašatunesa; ternó čhavó ĥazdélape pe phureste, butiarno — pe raste.

⁶Tén'ci uhtyléla manúš péskire pšalés, dre péskiri čékar' (siemieistvo), i phenéla léske: “Isyn túte uribén, jav amaré rása, mek te javén dalé rosphagirdé kherá telo tyró vast.”

⁷A jov sovlahala i phenéla: “Naštý te vysastiakirav narodoskire fránsy (dukhá), nane mánde maró i uribén, na kerén man narodoskire xulása”

⁸Adiáke phadija Jerusalimo, pyjá Juda, pal-dová so léngiri čib i léngire réndy (diély) nane pal Raste-Devléste, jone na vyrikirena Devléskiro baripén.

⁹Mina léngire moskiri dosykavela pal lénde, pal péskiro grého jone rosphenena saró čačipén, syr Sodomliani, jone na garavenape: bída lénge! Kokoré péske jone janéna bibibaht (fuipén).

¹⁰Phenén devlytkoné manušéske: kuč léske, jov priléla barjakirdé (plódy) péskire rendostyr.

¹¹Ne bída isyn nalačhé manušéske: jov priléla xolý pal péskire réndy.

¹²Bijaty tasavena miro narodo, džuvliá xulainena pe léste. Narodo Miro! Tyré xulaja xohade tut, lydžiné krig tut čačuné droméstyr.

¹³Uštyjá Raj Devél pe séndo, Jov isyn terdó, sob (kaj) te sendiakirél narody.

¹⁴Devél sendiakirelpe phuredyrenca Péskire narodóstyr, léskire ranca: “Tumé občorde vinagrádniko; dre tumaré kherá rakhelape dová, so tumé čorde čororestyr.

¹⁵So tumé oblena Miro narodo, tasavena čororen?” — rakiréla Raj Devél, Raj Devél bolybaskiro-jangoléngiro.

¹⁶I phendiá Raj Devél: “Pal-dová so čhaja Sionoskire isyn phut'kirdé, gazdena vučés péskiro šeró, kharéna ke pe jakhénca, bašavena lénge ĥerengire ukedeibenca.

¹⁷Občhinela Raj Devél léngire balá pe fiélia makuška (gutup), léla krig léngiro uribén.”

¹⁸Dro dová dyvés otlela Raj Devél lancore ĥerendyr, čergenorja, čhonore.

¹⁹Čenia, miriklia, šeritka dykhlore, vastytka, kustyka, dušlorja (šteklycy) kučoné makhibnasa, čorahane priphandybena.

²⁰Angrustiá pe angušta i angrustiá dre nakh.

²¹Upratuno uribén, telatuny ídia, dykhle, traminengire / muitka (košel'ki).

²²Gindaly, sane gada i dykhle.

²³Gudly sung paruvelape pe nakuč sung; šelo javéla syr kustýk, krenca balá parudjona pe nango šeró, buĥle gada — pe šmaty, šukaripén paruvelape pe tavra.

²⁴Muršá tyré peréna kurtalátyr, zoralé tyré xasjona pe maribén.

²⁵Javéna te tanginen, javéna te rovén pašýl šeralé-foróskiri pórta (vráty); i javéla joj te bešél pe sarésa čhučí phuv.