Read Biblija - Pe Baltitko Romani čib (Romanes) 2019 Baltic Romani Bible Isajos 39 Bible Online

Isajos 39 - Biblija - Pe Baltitko Romani čib (Romanes) 2019 Baltic Romani Bible bible

Isajos 39

¹Dro dová časo (cýro) o Mierodaho, čhavó Valadonoskiro[5], králi Vavilonskiro šundiá, so Jezekíia sys nasvaló i vysastija i bičhadiá léske lyl i dáry.

²Sys bahtaló radymása daléstyr Jezekíia i sykadiá bičhadé manušénge kher, kaj rakhelas péskire kučipena (sokroviščy), rup, suvnakái, kuč khandypena, saré maribnýtka (arsienalo), saró, so sys léste dre piraliá kučipnaskire, saró, so léste sys, lénge sykadiá, ničí na jaciápe léskire mištypnástyr.

³I javdiá proróko Isajo ke králi Jezekíia i phendiá léske: “So rakirénas adalé manušá? Katýr jone javné?” Jezekíia phendiá: “Dural javné jone ke me, javné Vavilonóstyr.”

⁴I phendiá Isajo: “So jone dykhné dro tyró kher?” Jezekíia phendiá: “Saró dykhné, saró miro barvalypén me sykadjom lénge, ničí na jaciápe dre miré kučipnaskire piraliá, so me na sykadjom lénge.”

⁵I phendiá Isajo Jezekijaske: “Šun lav Rástyr-Devléstyr, bolybnáskire-jangolengirestyr.’

⁶‘Ake, javéna dyvés i saró, so isyn dre tyró kher, so skedyné tyré dadá, lydžána krig dro Vavilóno, ničí na jačélape, — rakiréla Raj Devél.

⁷Otlena tyré čhavén, kon túte lathéla, jone javéna jevnuhenca dre Vavilonóskire-kralískiro kher.’

⁸I phendiá Jezekíia Isajoske: “Lačhó isyn Ráskire-Devléskiro lav, savó tu phendián, pal-dová so dre Miré dyvesá Jov bičhavéla iščo (inké) ramánjo (miro) i zrakhibén”.