Read Biblija - Pe Baltitko Romani čib (Romanes) 2019 Baltic Romani Bible Isajos 4 Bible Online

Isajos 4 - Biblija - Pe Baltitko Romani čib (Romanes) 2019 Baltic Romani Bible bible

Isajos 4

¹I uhtylenape dro dová dyvés eftá (bitrinéngiro deš) džuvliá pal jekhe muršeste i phenéna: “Péskiro maró javása te xas, dre péskiro uribén javása te psiras, ne de, sob (kaj) te kharaspe pir tyró lav, le krig ladž améndyr.”

²Dro dová dyvés sykavelape dro šukaripén i dre patýv otbaripen Ráskire-Devléskiro, a phuvitko barjakirdó (plódo) — dre baripén i šaribén vaš odolé Izrail'skone čhavénge, savé zrakhnepe.

³Tén'ci odolé, kon jaciápe pe Sióno i zrakhciape dro Jerusalimo, javéna te kharenpe sventonenca, davá javéna saré, kon isyn začhindló dre lylvarí vaš džiibén dro Jerusalimo.

⁴Kóli morela krig Raj Devél Sionoskire čhajengiro magiriben i žužakirela Jerusalimoskiro rat maškír léste sendytkone diesa i jagakire duhósa.

⁵I sozdela (keréla) Raj Devél uprál pe kažno štéto, savó isyn pe Sionóskiri bérga, i uprál pe lákiro skedyibén óbloko i thuv dyvesé, i jagitko dud ratý; pal-dová so uprál saró, so isyn patyvalo, javéla učhakirdo.

⁶I javéla šátra, sob (kaj) te zrakhespe dyvesé tatypnastyr, vaš dová, sob (kaj) te garadjos, kóli džála bryšýnd.