Read Biblija - Pe Baltitko Romani čib (Romanes) 2019 Baltic Romani Bible Jeriemiéjo 20 Bible Online

Jeriemiéjo 20 - Biblija - Pe Baltitko Romani čib (Romanes) 2019 Baltic Romani Bible bible

Jeriemiéjo 20

¹Ĥáda, Pashoro, Imeroskiro čhavó, rašáj — i jov sys phuredýr dykhibnaskiro (nadziratieljo) pir Ráskire-Devléskiro Kher, šundiá, syr Jeriemiéjo angilphenelas (proročynela) kadalé lavá.

²Tedy Pashoro pekadiá Jeriemiejos prorokós i bešliakirdia les dre kalodki zaphandle vasténca i ĥerénca, savé sys dre upratuny Vienjaminoskiri pórta, so sys pašýl Ráskire-Devléskiro Kher.

³I adiáke sys pe javír dyvés: Pashoro vymekcia Jeriemiejos kalodkendyr, i Jeriemiéjo phendiá léske: “Raj Devél na javéla te kharel tut lavésa ‘Pashoro, a Magor-Misavivo.

⁴Pal-dová so adiáke rakiréla Raj Devél: ‘Ake, Me keráva adiáke, so Tu, Pashoro, javésa te dares kokoró péstyr, i adiáke-pac' saré Tyré drúgi (malá), i jone peréna vergéngire kurtalátyr i tyré jakhá javéna te dykhén davá. I Me otdáva sarí Judéia dre Vavilonóskire-kralískire vastá i jov lydžála krig len dro pliéno ke Vavilóno, i odój jov muliakiréla len kurtalása.

⁵I Me otdáva saró foróskiro barvalypén, i sarí léskiri bažyn, i saré léskire dróga priedmiéty (čysy), i saró kučipén, so sys Judejákire kral'jénde, i saró léndyr čorena, i otlena, i lydžána len ke Vavilóno.

⁶I tu, Pashoro, i saré, kon dživéla dro tyró kher, saré tumé džána dro pliéno. Tumé džána ke Vavilóno, i odój meréna tumé, i odój garavena tumen, tut i saré tyré malen, konéske tu xohanés angilphenesas.’”

⁷O, Rajo Dévla! Tu prityrdyjan man, i me som prityrdyno; Tu san zoraledýr mándyr, i Tu lyjan upralypén pe mánde. Mándyr lyné te sanpe javrí; kažno (sváko) manúš prosala man.

⁸Pal-dová so, kóli me vari-kicý rakiráva, tedy, me dáva gódla, me godlava: ‘Nahratyma i xas'’ pal-dová so pal Ráskire-Devléskiro lav sanape javrí i prosana man,

⁹tén'ci phendjom [podumindjom-r.s.] me: ‘Me na javáva butýr te ripirav Léskiro lav, ci te rakiráv butýr Léskire lavéstyr, ne Léskiro lav isyn syr xačibnaskiri jag, saví isyn phandly dre miré kokalý; i Me khinyjom te rikirav les, i me na mogindjom.

¹⁰Pal-dová so Me šundjom, syr but rozlydžana bedo sláva: ‘Traš isyn pe kažno rig’: ‘Mek jov phenéla vari-so’, — jone rakiréna, — i ame zdasa (phukavasa) les.’ Saré, kon sys sýrby pe mirí rig, dykhéna ciamkes, sob (kaj) me te obštavavpe, i phenéna: ‘Ame, xači, zatyrdasa les, tén'či ame lása upralypén pe léste, i ame othasa (otdasa) pale léske (kušasa xolý pe léste!)’”

¹¹Ne Tu, Rajo Dévla, san zoralypnaskiro i trašano (bi darákiro), i Tu san pe mirí rig; paldavá vérgi, savé tradéna man, obštavenape, i jone na léna upralypén pe mánde: jone javéna ladžakirdé, pal-dová so léngire plany na udenape lénge ke mištypén [iene kerdé nagod'vares, ladž javéla lénge pe saró viéko i nijékhvar na bistrelape-r.s.],

¹²Ne Tu, bolybnáskire-jangoléngiro Raj Devél, Kon sprobinela čačunen, Kon dykhéla godý i iló, de mánge te dykháv, syr Tu dukhavesa pale len, pal-dová so Túke me vyphendjom (dopatiandyjom) miro réndo.

¹³Bagán Ráske-Devléske, šarén Ras-Devlés, pal-dová so Jov zrakhéla čororé-manušéngire dijá bibahtalé vasténdyr.

¹⁴Te xasjol dyvés, dro savó me bijandyjom! Mek te na javél bahtiakirdó dyvés, dro savó mirí daj bijandiá man!

¹⁵Te xasjol manúš, savó jandiá zvies' (zan) miré dadéske, phení: ‘Muršoro lathiape túte!’ I dalésa (sósa) jov drieván obradyndia miré dadés.’

¹⁶I mek te javél dová manúš syr fórja, savé Raj Devél phagirdiá pe koterá, i Jov na potagindia (požalindia) pal dová; i mek odová manúš te šunél gódla pe zlóko (pe ránko), i godlyma [roibén-r.s.] dre paš-dyvés.

¹⁷Pal-dová so Jov na muliakirdiá man dre dakiri ločoví, sob (kaj) te javén miré-dákire masá syr maĥila mánge, i sob (kaj) te javél lákiri ločoví pharí ŭsády (sak).

¹⁸Vaš so me vygijom dákire ločov'tyr te dykháv pharí butý i túga, i sob (kaj) miré dyvesá te džán péske dre ladž.