Read Biblija - Pe Baltitko Romani čib (Romanes) 2019 Baltic Romani Bible Jeriemiéjo 45 Bible Online

Jeriemiéjo 45 - Biblija - Pe Baltitko Romani čib (Romanes) 2019 Baltic Romani Bible bible

Jeriemiéjo 45

¹Lav, savó rakirdiá proróko Jeriemiéjo Varuhoske, čhavéske Nirijaskireske, kiéli o Varuho čhindiá dalé lavá dre lylvarí Jeriemiejoskire čibatyr pe štárto berš Ioakimoskiro (čhavó Iosijáskiro), kon sys králi pe Judéia, phení:

²“‘Adiáke rakiréla Raj Devél, Devél Izrailjoskiro’ — túke, Varuho:

³‘Tu phendián: ‘Bida pe mánde akaná! Pal-dová so Raj Devél dočhudia dukh tugasa ke iló. Me som khiniakirdo miré ĥondiendyr (ŭzdohendyr) i me naštý (na mogináva) te lathav otkhinyben.’”

⁴Ne tu phen Varuhoske adiáke: “Adiáke rakiréla Raj Devél: ‘Ake, so Me čhudjom, dová Me phagirava telé, i so Me počhudjom dre phuv, dová Me vyriskirava, — davá isyn sarí daja phuv.’

⁵Tu mangesa (rodesa) baré l'goty vaš péske? Na mang len, pal-dová so, ake, Me janáva bibáht (bída) pe kažno (sváko) loč (plot'), — rakiréla Raj Devél: Ne Me dáva tyró džiibén (otmekáva tut džidesa) túke syr doresybén pe saré štéty, karik tu na džása.’”