Read Biblija - Pe Baltitko Romani čib (Romanes) 2019 Baltic Romani Bible Jezekiljo 15 Bible Online

Jezekiljo 15 - Biblija - Pe Baltitko Romani čib (Romanes) 2019 Baltic Romani Bible bible

Jezekiljo 15

¹I sys ke me Ráskire-Devléskiro lav dasavo:

²“Manušéskiro čhava! Sósa fedýr isyn vinagradoskiro kašt javire kaštéstyr i rand' (vetka) vinagradoskire randiatyr javire drevendyr dro veš.

³Ci léna léstyr kotér (kusko), sob (kaj) te kerén léstyr vari-so? Léna li léstyr pe gvozdjo (karfin), sob (kaj) te ublaven pe léste vari-so?

⁴Ake, jov otdelpe pe jag, sob (kaj) jag te xal les. Xaja les jag pe duj jagóry (koncy), i maškír léste saró isyn shačkirdo; trej li jov akaná, sob (kaj) te kerén léstyr vari-so javír?

⁵Kóli iščo (inké) jov sys célo, i naštý sys te kerén léstyr vari-so, ne kiéli jag shaia les, so jov shačija, kerésa li léstyr vari-so lačhó vaš butý?

⁶Paldavá adiáke rakiréla Raj Devél, Devél: syr vinagradoskiro kašt maškír vešytka kaštá Me otdyjom, sob (kaj) jag les te xal, adiáke Me otdáva jagake manušén, savé dživéna ke Jerusalimo.

⁷I risjováva Me ke jone Miré mósa. Jekhe jagatyr jone vydžána, a javír jag pohala len. Tén'ci tumé ĥaljona, so Me som Raj Devél, Devél, kóli risjováva Me ke jone Miré mósa.

⁸I adiáke kadaja phuv javéla čhučí pal dová, so jone narjoves (vierolomnes) kerénas napatiaiben”, — rakiréla Raj Devél, Devél.