Read Biblija - Pe Baltitko Romani čib (Romanes) 2019 Baltic Romani Bible Jezekiljo 19 Bible Online

Jezekiljo 19 - Biblija - Pe Baltitko Romani čib (Romanes) 2019 Baltic Romani Bible bible

Jezekiljo 19

¹“A tu le te roves pal Izrailjoskire thagar'jende.

²I phen: ‘So za ščerica (l'vica) isyn tyrí daj? Dživelas joj maškír ščerende, i maškír terné ščerende barjakirelas péskire tyknen.

³Vybarjakirdia joj iekh péskire tyknendyr, jov kerdiápe terné ščeresa, vysyklyja te doresel xabén, xalas manušén.

⁴I šundlé pal léste manušýtka nácyi (narody); jov sys uhtyldo lénca, les phandle telé dre zandirjá (cépi), lydžiné pe Jegiptóskiro phuv.

⁵Kóli daj užakirdia, dykhciá, so xasijá saró, pal so joj duminelas, tén'či lyjá javirés péskire tyknendyr, kerdiá les terné ščeresa.

⁶Jov kerdiápe terné ščeresa, kiéli jov lyjá te psirél maškír ščerende, vysyklyja te doresel xabén, i xalas manušén,

⁷jov rosphagirelas čhučes léngire štéty/magirdia pivliengire (udovengire) kherá, i kerdiá léngire fórja čhučé (pusta), čhučé jačné phuv i saré gavá léskire rykostyr.

⁸Tén'ci ĥazdynépe pe léste narody, savé dživénas pir kodoia phuv pe duj rigá, i čhurdyné pe léste péskiri khudý (siet'), i jov sys uhtyldo dre léngiri khudý.

⁹Jone čhurdyné les dre klietka pe zandir (cepo), i lydžiné les ke Vavilonóskiro králi, jone jandlé les dre tvárdyma (kriepost'), sob (kaj) te na javél šundly léskiri zan pe bérgi Izrailjoskire.

¹⁰Tyrí daj sys syr vinagradoskiro kašt, savó barjolas pašýl paniá; pe léste sys but randiá, joj ianelas but phabá, pal-dová so odój sys but paniá.

¹¹Sys léste zoralé randiá vaš barydyrengire desté (skipietry), vučés ĥazdyjápe joj maškír gensta randiá; joj sys dykhny pir péskiro vučipén, péskire ĥenstone vetkicenca.

¹²Ne xoliamipnasa joj sys vyriskirdy, čhurdyny pe phuv, vastočno balvál vyšut'kirdia lákire phabá (plódy); phadine, zašutine lákire zoralé vétki, jag pohaia len.

¹³A akaná joj barjol pe čhučí phuv (pustynia), dre phuv šukí, saví mangéla paní.

¹⁴I vygijá jag lákire stvolostyr vetkenca, i pohaia lákire phabá adiáke, so na jačnépe zoralé randiá vaš desté barydyrénge. Davá isyn roibnytko gilý féni te rovén tel láte.’”