Read Biblija - Pe Baltitko Romani čib (Romanes) 2019 Baltic Romani Bible Jezekiljo 27 Bible Online

Jezekiljo 27 - Biblija - Pe Baltitko Romani čib (Romanes) 2019 Baltic Romani Bible bible

Jezekiljo 27

¹I sys ke me Ráskire-Devléskiro lav dasavo:

²“I tu akaná, Manušéskiro čhavó, rov pal Tíro,

³phen Tiroske, Tu, savó dživesa maškír mórjo (derjáv), kon timisiakirela (targinela) narodenca buté ostrovendyr” adiáke rakirél Raj Devél, Devél: ‘Tíro! Tu rakirésa nane nikonés gožedyr mándyr!’

⁴Miéžy tyré isyn dro morjoskiro (derjavéskiro) iló; kodolé, kon kerélas tut, kerdé tut gožedyr šukaripnastyr.

⁵Sieniroskire — kiparisone kaštendyr kerdé jone Tyró ĥeristo (pomosto) jone lenas kiedro Livanostyr, sob (kaj) te kerén pe túte mačty;

⁶Vasanoskire dembendyr kerénas tyré rovlia (vjosly) , predki (skamieiki) tyré, kerénas manušá Ašurostyr bukitkone kaštéstyr, i ukedenas len slonytkone kokalosa Kitimskone ostrovendyr.

⁷Rossude pohtana (polotny) Jegiptóstyr mekenas pe tyré balvaluné (párusy), jone sys tyró sciago (flago); sinia i lolé thana (tkani) Jelisakire ostrovendyr učhakirenas tut.

⁸Manušá Sidonostyr i Arvazostyr kerénas túte butý rovlienca (vjoslenca); péskire džinybnarja sys túte, Tíro, jone lydžánas Tyré pármy (korabli).

⁹Phurydyrá Gievalostyr, i léskire godé manušá sys túte, sob (kaj) te zakeren paklasa promarde štéty. Rázna pármy i léngire kodolé manušá, savé kerénas butý rovlienca, sys túte, sob (kaj) te džal Tyró biknyben.

¹⁰Piersijani, Lidijani, Liviicy sys dro tyró xaladybén; jone sys maribnaskire túte, jone ublavenas pe túte ščýto i šliemo; léndyr tu sánas baró.

¹¹Arvadoskire manušá tyré xaladybnasa sys terdé trusciál pe tyré vánty, Gamadimy sys terdé pe tyré vučardia (bašni); pe tyré vánty jone ublavenas péskire ščýty/kolčany; jone dopherdiakirenas Tyró šukariben.

¹²Farsiso, Tyró timisiari (torgovco), konéste sys baró barvalypén, pleskirelas pal dová, so tu biknesas, rupésa, sastyresa, molovisa (svincosa), volyvosa (olovosa).

¹³Javano (Iavano), Tuvalo, Miešeho timisiakirenas túsa, paruvenas dová, so tu biknenas, pe manušénde i xarkuné pirja.

¹⁴Fogarmoskire kheréstyr lydžánas túke gren, ĥenšten i lošaken pal dová, so tu biknesas.

¹⁵Diedamoskire manušá timisiakirenas túsa; but ostrovy kerénas túsa paruiben. Jone janénas túke slonytko kokalo i kaló veš.

¹⁶Kuč džálas tyró biknyben; timisiakirenas túsa Aramejani, pal-dová so tu but biknesas, jone pleskirenas túke emieral'dosa (karbunkolosa), lolé, rozsude thanenca, visonytkone rizenca, koralenca i rubinenca.

¹⁷Judeja i Izrailjoskiri phuv timisiakirenas túsa. Paldová, so tu biknesas, pleskirenas Minifoskire parné givesa, gudlypnasa, jagvinesa, kaštune ksilesa i bal'zamosa.

¹⁸Kuč džálas Tyró biknyben Damaskosa, konéste sys baró barvalypén, jov biknelas túke Xielbonoskiri mol (vino) i parny výlna (šers').

¹⁹Dano i adiáke-pac' Javano Uzalostyr pleskirenas túke, psiri odorík-pale, pal dová, so tu biknesas, vykerde sastyresa; kassija, duhmiano triščyna džánas pe paruiben.

²⁰Diedano timisiakirelas (kofinelas) túsa kučoné cergenca (dekenca) te tradén uklisté.

²¹Aravija, saré Kidaroskire thagárja, paruvenas túsa: paruvenas bakror'jenca, bakrenca, buznenca (kozlenca).

²²Tylgarja (kúpcy) Savatyr i Rajematyr timisiakirenas túsa. Kučone khandypnenca, raznone kučoné barénca i suvnakása pleskirenas túsa pal dová, so tu biknesas.

²³Harano, Xané, Jedieno, Savakire tylgárja, Asuro i Xilmado timisiakirenas túsa.

²⁴Jone timisiakirenas túsa kučoné vykedyme uribnenca — pharune i rossude thanenca, savé jone janénas pe tyró targo dre kuč mohte (jaščyki), so sys kerdé kiedrostyr, savé sys mištés pritasade.

²⁵Parmy (korabli) Farsisostyr lydžánas saró, sob (kaj) te džal Tyró biknyben; tu jacián barvaló, rozgijápe tyrí sláva maškír mórjo (derjáv).

²⁶Ne kodolé manušá, savé kerénas butý pe rovlia pe túte, lydžiné tut dro baró paní, ne vastočno balvál rozmardiá tut maškír mórjo (derjáv).

²⁷Tyró barvalypén, tyré tovary, tyré baré piraliá (sklady) — dová, so tu rakhesas; manušá, savé kerénas tyré barki (lodki), manušá, savé zakerenas tyré promarde štéty, savé lydžánas tyró biknyben, saré xaladé tyré, savé sys túte; saré tre but manušá, kon sys túte, dro tyró peribnaskiro dyvés, peréna dro morjoskiro (derjavéskiro) xoripén.

²⁸Locmanengire godlatyr, savé lydžánas tyré pármy, léla te izdral phuv.

²⁹I zdžana pe brégo tyré parmendyr saré manušá, savé griebinenas rovlienca, savé plyvinenas pe lénde, i savé lydžánas len, štavena pe phuv.

³⁰I zarovena pal túte zoralé zaniása, i javéna te rovén kirkes pal túte, čhuvéna práska (pieplo), pe péskire šeré i javéna te ravenpe dro práho.

³¹Jone občhinena péskire balá sarésa pal túte, ur'jena pe péste balytka goné praskasa, i zarovena pal túte iléskire dukhatyr baré roibnasa.

³²Dre péskiro tugipen (žalost') jone zabagana roibnytko gilý pal túte, adiáke jone javéna te obrovenpe pal túte: ‘Savó sys fóro, syr Tíro, so sys rosphagirdo maškír mórjo (derjáv)!’

³³Kiéli javélas morjostyr (derjavestyr) dová, so tu biknesas, to tu čaliakiresas buté manušén tyré barvalypnaskire butypnasa, tyré biknybnasa tu barvaliakiresas phuv'jengire kral'jén.

³⁴A kiéli tut rozmardiá baró paní pe sámo xoripén, to saré tovary, so tu biknesas, saró; so pherdés sys dre túte, pyjá dro sámo xoripén.

³⁵Saré manušá, savé dživénas pe ostrovy, divindlépe trašasa tútyr, léngire králja zaizdrandyne, parudiape léngiro muj pharipnastyr.

³⁶Timisiarja (torgovcy) javire narodendyr, dyné šolia (svistindle) pal túte, tu kerdianpe syr traš, i tu na javésa te dživés butedýr.”