Read Biblija - Pe Baltitko Romani čib (Romanes) 2019 Baltic Romani Bible Danijéljo 6 Bible Online

Danijéljo 6 - Biblija - Pe Baltitko Romani čib (Romanes) 2019 Baltic Romani Bible bible

Danijéljo 6

¹Pir iló sys Darijoske te čhuvél upré pe kralipén šel te biš e satrapen, sob (kaj) jone te javén pir saró kralipén,

²i uprál lénde trinen theméskire barydyrén — savéndyr jekh sys o Danijéljo, sob (kaj) jone satrapy dénas lénge otphenybén, i, sob (kaj) kralíske te na javél ni savó pharipén.

³Danijéljo sys čhudo baredýr sarén javire i satrapendyr i thagad'jendyr i pal-dová so sys dre léste vučó dúho (fáno), to o králi myslinelas, sob (kaj) te čhuvél les upraledyr pir saró kralipén.

⁴Tén'ci e thagárja i satrapy lyné te rodén vari-saví bang, sob (kaj) te došakiren Danijeljos dro xulaiben kralipnaskiro; ne nisaví bang (doš) na mogindlé te lathén, pal-dová so jov sys čačipnáskiro, nisavó promekiben (pogrieho) i doš dre léste na lathiape.

⁵I kodolé manušá phendlé: “Ame na lathasam bang pe Danijeljoste, kóli ame te na lathasam vari-so proti léste dro Zakóno léskire Devléskiro.”

⁶Adiáke, so adalé thagárja i satrapy podginé ke králi i adiáke léske phendlé: “Králjo Darijo! Jav džidó pe viéki!

⁷Saré thagárja kralipnaskire, e barydyrá štetytka, e satrapy, e junkary i barydyrá xaladéngire dorakirdepe maškír lénde, sob (kaj) te vyden kralítko statúto i te den zoraló uphenybén, sob (kaj) kóli vari-kon dre dalé trijánda dyvesá léla te mangélpe var-savé javire devleske ci manušéske, apríč túte, králjo, kodolés te čhurdén dro rovo (xohói) ščerengiro (lievengiro).

⁸Adiáke, králjo, de zor pe dasavo statúto i podčhin zaphenyben, sob (kaj) te na paruven les, syr Zakóno Midianytko i Piersytko, sob (kaj) jov te na javél phagirdó.”

⁹O králi Darijo podčhindia statúto i dasavo phenybén.

¹⁰O Danijéljo, xači, ĥalyí, so sys podčhindlo dasavo zaphenyben, gijá dro péskiro kher; e fenštra, xaj, dre upratuny štúba sys psirady (otphendly) angíl Jerusalimo, i jov trin móly dro dyvés bandgiakirdia čangá, i mangdiápe péskire Devléske, i bahtiakirelas Les, syr kerélas jov davá i angíl dová.

¹¹Tén'ci e manušá odolé skedynépe i lathné Danijeljos, so jov phenelas patierja (molitvy) i mangipén angíl péskire Devléste,

¹²i jone javné i dophendle kralíske pal kralítko uphenybén: “Ci na tu, xači, podčhindian o statúto, sob (kaj) kažnoné manušés, savó pal trijánda dyvesá léla te mangélpe vari-savé javire devleske ci manušéske, apríč túte, o králjo, te čhurdén dro rovo (xohói) ščerengiro? O králi otphenéla i phenéla: “Davá lav isyn sastó, o Zakóno Midianytko i Piersytko, naštý te paruven.”

¹³Paló dová jone otphendlé i rakirdé kralíske: “Kadavá Danijéljo, savó isyn plienone Judytkone manušéndyr, na sykavéla patýv ni pe túte, králjo, ni pe uphenybén, savó sys podčhindlo túsa, ne trin móly pe dyvés jov mangelape péskire patier'jenca (molitvenca).”

¹⁴O králi, šuny davá, drieván pyjá dro dúho (fáno) i čhudiá dro iló péskiro te zrakhél Danijeljos, i ke/žýko khameskiro pasiben zoralés pričhuvelas zor te vyrakhel les.

¹⁵Ne odolé manušá podginé ke králi i phendlé léske: “Džin, králjo, pir Zakóno Midianytko i Piersytko nisavó uphenybén ci statúto, so zorjakirdia králi, te na javél parudo.”

¹⁶Adiáke, o králi priphendiá, i jandlé Danijeljos, i čhurdyné les dro ščerengiro rovo (xohói); pašýl o králi phendiá Danijeljoske: “Tyró Devél, Savéske tu san naparundlo dynári, Jov tut zrakhéla!”

¹⁷Tén'ci sys lydžino sys bar i čhudo pe štéto, kaj zadžána dro rovo (xohói), i králi piečatyndia les péskre angrustiasa čergenorjasa, i angrustiasa čergenorjasa péskre thagar'jengirjasa, sob (kaj) nisó te na parudjol dro priphenybén pal Danijeljoste.

¹⁸Paló dová gijá o králi dre péskiri bari felatin/kolov (dvorco), pasijá te sovél, postinyi sarí rat, i až na zaphendia muzyka, i sunó prastalas léstyr.

¹⁹Tasiárles (pe zlóko) uštyjá o králi, kiéli dyvesjola i sýges gijá ke ščerengiro rovo (xohói),

²⁰i, podgii ko rovo (xohói), sanore zaniása khardiá Danijeljos, i phendiá králi Danijeljoske: “Danijélie, o pishári, džidé Devléskiro! Tyró Devél, Savéske tu naparundles dynarinesa, mogindiá (saštyndia) te zrakhél tut ščerendyr?”

²¹Tén'ci Danijéljo phendiá Kralíske: “Te dživél o králi pe saré viéki.”

²²O Devél miro bičhadiá Péskires Jangolós i zagaradia ščerengiro muj, i jone ničí na kerdé mánge, paldavá i me som angíl Léste žužó, i angíl túte, králjo, me na keravas namištes.”

²³Tén'ci o králi but radyndiape pal léste i priphendiá te ĥazdén Danijeljos rovostyr; sys ĥazdynó Danijéljo rovostyr, nisaví doš na sys léste, pal-dová so jov patialas dro péskire Devléste.

²⁴I dyjá o králi, i sys lydžiné ke jov odolé manušá, savé bangiakirde Danijeljos, i jone sys čhurdyné dro ščerengiro rovo (xohói), syr kokoré, adiáke-pac' léngire čhavoré i léngire džuvliá; na doginé jone ke rovoskiro dno (dugno), syr xané len ščerá (lievy) i phagirdé léngire kokalý.

²⁵Paló dová o králi Darijo čhindiá saré manušytkoné nacyiénge, kheritkoné rodénge i jekhe-čibakire ir'jenge (čibenge/ čib'jenge) (jazykenge), savé dživdé pe sarí phuv: “Ramánjo (miro) tuménge mek te barjol!”

²⁶Mándyr délape priphenybén, sob (kaj) dre kažno rig miré kralipnaskiri, manušá te izdran i te den patýv ke dar angíl Danijeljoskire Devléste, pal-dová so Jov isyn Devél džidó i viéčno, o Kralipén Léskiro na pharadjola, i Léskire rajkanypnaskiro kralipén — pe saré viéki.

²⁷Jov zrakhéla i podela vast bidatyr, keréla znamiénii (ĥiertyká) i dívy pe bolybén, i pe phuv; Jov zrakhciá Danijeljos ščerengire zorjátyr.”

²⁸I sys Danijeljoske drieván mištó i dro kralipén Darijoskiro, i dro kralipén Kiraskiro, Piersoskiro.