Read Biblija - Pe Baltitko Romani čib (Romanes) 2019 Baltic Romani Bible Osija 10 Bible Online

Osija 10 - Biblija - Pe Baltitko Romani čib (Romanes) 2019 Baltic Romani Bible bible

Osija 10

¹Izrailjo isyn pyšno vinagradýtko kaštoro, savó butedýr janéla múri péske. So butedýr jov déla múri, to butedýr jov keréla altári; so fededýr jačélape léskiri phuv, to jone butedýr gožakirena (šukarjakirena) stýlby vyčhudé mujenca / patrienca (obrazenca).

²Léngiro iló rosčhudo pe paš, akaná Raj Devél phagiréla telé léngire altári (žértva), Jov phagiréla pe koterá léngire stýlby vyčhudé mujenca / patrienca (obrazenca).

³Pal-dová so akaná jone rakiréna: ‘Aménde nane Králi, pal dovaa so ame na darandyjam Rástyr-Devléstyr. Kóli te javél králi aménde, so jov keréla aménge?’

⁴Jone rakiréna xartytka (pusta) lavá, xohanés sovlahana, kiéli sčhuvena zavieto. Paldavá pharó séndo ĥazdélape pe lénde sýrby trutitko čar (jadovito), so isyn pe lies'ni (borozny) feldengire.

⁵Manušá, kon dživéla ke Samárija, daréna vyčhindlé guruvorestyr Bief-Avienostyr. Léngire manušá tuginena zoralés pal lénde, i léngire biladžakuné rašaja javéna te trinskirenpe pal lénde, pal léngiro baripén, savó jačkirdiá len.

⁶Kadavá idolo kokoró javéla lydžino ke Asirija, syr dáro kralíske Iarievoske (Jarievoske); ne Jefriemos obuhtylela ladž, i Izrailjo javéla ladžakirdó godé lavéstyr, pal savó jone giné.

⁷Ne so rakirelape pal Samárija, to lákiro králi xasjola krig sýrby piena/vetkica uprál pe thadune paningá.

⁸I adiáke-pac' javéna rozmarde pe koterá vučé štéty pe Avieno, grého Izrailjoskiro. Xrústy suv'jenca i žylta xrústy phusadienca vybarjona pe léngire altári; jone phenéna bergenge: ‘Čhakiren amen,’ i bergicenge: ‘Peren pe aménde.’

⁹O, Izrailjo Tyré manuše kerdé butýr gréhi syr i dro dolé dyvesé dre Givá, — odój tumé jačnépe. Ci so maribén dre Gavaóno (Givá) proti čhavénde, savé keréna čoripén, na dogijá ke jone?

¹⁰Kóli te javél Miro vykedeiben, to Me vysykliakirava len. Manušýtka nácyi (narody) javéna te kedenpe proti lénde, kiéli jone bangiakirena len pal duje-molytko čoripén.

¹¹O Jefriemie, savó isyn sýrby vysykliakirdy reca (tjolka), savjake kamelape te štakirel givá, ne Me čhuváva ĥámo pe léskiri thuly men: Me začhuvava Jefriemos te tyrdel plugo, a Juda javéla te pašynel (te pharavel) phuv, a Jakovo javéla te randel (te rozmarel) komki.

¹²Počhuven dre phuv vaš péske pir čačipén; sčhinen telé pir lačhé-ilýtkima, i ĥazdén tumarí napočhudy félda; pal-dová so isyn časo te rodén Ras-Devlés angíl dová, syr Jov javéla i počhuvela čačipnása syr bryšyndesa pe tuménde.

¹³Tumé pharade phuv vaš fuipén, tumé sčhindle čoripén. Tumé xané xohanó baritko (plódo), pal-dová so tumé dopatiandyne zoralés dre péskire dromore, dro butypen tumaré zoralypnaskire muršende.

¹⁴I ĥazdélape búnto maškír tumaré manušénde, i saré tumaré tvárdymi / diz (krieposti) javéna phagirdé — syr Salmano phagirdiá Biet-Arbielo dro maribnýtko dyvés: e daj sys čingirdy pe koterá lákire bijatenca.

¹⁵Adiáke keréla tuménca, o Viefíljo, pir-dová so tumé but kerdé fuipén.