Read Biblija - Pe Baltitko Romani čib (Romanes) 2019 Baltic Romani Bible Osija 12 Bible Online

Osija 12 - Biblija - Pe Baltitko Romani čib (Romanes) 2019 Baltic Romani Bible bible

Osija 12

¹Jefriémo čaravelape balvaliasa i tradelape pal balvál vastokóstyr: jov so dyvés pribarjakirela xohaibén i golotýnia (razorienijo). Jone adiáke-pac' kerna dorakiribén (zavieto) Asurosa (Asirijasa), i maslinitko dzet lydžána ke Jegípto.

²O Raj Devél adiáke-pac' lydžála čingárd (séndo) proti Judaste, i Jov pharés javéla te sendiakirél Jakovós pal léskire réndy (diély), pal dová, so jov kerdiá, Raj Devél dukhavela pale les.

³Jov uhtylelas péskire pšalés pal khur (pienta) dro dakiri ločoví (črievo), i jov sprobindia zorja Devlésa.

⁴Čačó, jov sprobindia zorja Jangolosa, i jov pirizorjakirdia Les; jov rondiá i jov rodyja bahtiakiribén Léstyr. Jov, Devél, lathiá les dre Viefíljo i odój Jov rakirdiá aménca.

⁵Davá isyn Raj Devél, jangoléngire — bolybnáskiro Devél, Sarezorjákiro, — Léskiro Lav Iiegova (Jahvá).

⁶I tu, Jakovóskiro ŭnuko (niepoto), risjov pale ke Devél tyró: rakh (dykh) tangipén (lačhé-ilýtkima) i čačunó séndo, i ŭsády (sak) užakir lačhipén tumaré Devléstyr.

⁷Mendro isyn Xananejanino, savéste isyn xohané ubladýtka (viesy) dro léskiro vast, léske isyn pir iló te pritasavel (te dukhavel).

⁸I phendiá Jefriémo: “Me, čačes, jacjom barvaló, me lathjom saró mištypén vaš péske: dre saré miré pharé butiá jone na lathéna dre mánde nisavó čoripén, so isyn grého.”

⁹Ne Me, Raj Devél, tyró Devél phuvjátyr Jegiptoskirjatyr; Me nevéstyr (snova) keráva adiáke, so tumé javéna te dživén pe budy (kuščy), sýrby dre dyvesá, savé isyn uphendle syr svénki.

¹⁰Me rakirdjom prorokenge, Me pribarjakirdjom dykhibena syr suné vaš tuménge: Me dyjom but godé-phenybnýtka (pritčy) pir prorokénde.

¹¹Na dykhí pe dová, so Galaádo keréla namištes (ídoly) syr Avieno, i léskire manušá jačénape (končynena) nisosa, na dykhí pe davá, so jone janéna guruvén syr svénto dyibén dro Gilgalo, ne léngire altar'jendyr javéna ruíny maškír lies'ni feldengire.

¹²I nastiá Jakovo pe phuv Sirijakiri, i Izrailjo sys dynári pal romniáte, i pal romniáte jov rakhciá bakrén.

¹³O Raj Devél vylydžijá (jandiá) Izrailjo Jegiptóstyr pir prorokoste, i Jov prirakhcia les pir prorokoste.

¹⁴O Jefriémo dyjá jag Ráskire-Devléskire xoliake kirkipnastyr (rosholiakirdia Ras-Devlés); paldavá Jov mekciá pe léste rateskiri bang i Jov dukhavela pale les i sykavéla léske daja bang.