Read Biblija - Pe Baltitko Romani čib (Romanes) 2019 Baltic Romani Bible Osija 13 Bible Online

Osija 13 - Biblija - Pe Baltitko Romani čib (Romanes) 2019 Baltic Romani Bible bible

Osija 13

¹Kiéli rakirdiá Jefriémo (manušá Jefriemóskire rodycóstyr), to saré izdrandyne. Jov sys barjakirdó dro Izrailjo, ne syr jov kerdiá čoripén angíl Vaaloste (Vaalo), to jov xasijá.

²Akaná jone keréna gréhi butedýr i baredýr, i jone kerdé vaš péske vyčhudé muiá, ídoly rupéstyr pir péskiro džinybén, saré kadalé statuly kerdé grafarja (spiecy te risynen) dre vastytka butiá. I jone phenéna: ‘mek manušá, kon janéla svénto dyibén, te čamuden guruvorén.’

³Paldavá jone javéna syr migla (tumano) pe zlóko, syr pérvo pahlyn, saví sýges xasjola, syr šprija (miakina), so rosčhurdela riskiribnaskiri balvál krig givaobkeribnaskire šurnatyr (gumnostyr), syr thuv, so džála trubátyr (thuvalestyr).

⁴Ne Me som Raj-Devél, tyró Devél Jegiptóskire phuvjátyr, túke na trej te džinés javire devloren apríč Mánde: pal-dová so nane nijékh apríč Mánde, Savó zrakhéla.

⁵Me dykhcjom pal túte pe čhučí phuv, pe štéty, kaj sys baró šukipen.

⁶Kiéli lénde isys čaritka féldy, jone sys čale, jone sys pherdés čale i léngiro iló jačelas barikano, pal-dová so jone bistyrde pal Mánde.

⁷I Me javáva vaš lénge sýrby ščer (liévo), sýrby lieopardo pašýl drom javáva Me te dykháv ciamkes pal lénde.

⁸Me javáva te pirilav len sýrby ričyha (miedviedica), savjate xasiné tyknore; Me javáva te riskirav léngire-pašvarengiro kokalyco ke iló i Me javáva te pohav len sýrby ščeriha, a feldýtka murdalá (zvieri) javéna te roskušen len.

⁹Tu xasiakirdian pes, Izrailie, so tu san proti Mánde, proti Kodoleste, Savó podela vast túke. Kaj ža isyn dová sendári (králi), savó déla ráda te zrakhél tut dre saré tyré fórja? I kaj isyn tyré sendárja, pal savénde tu phendián: ‘De mánge kralís i thagar'jen?’

¹⁰Kaj isyn tyró králi akaná? Mek jov te zrakhél tut dre saré tyré fórja? Kaj isyn tyré sendárja, pal savénde tu phendián: “De aménge kralís i barydyrén.”

¹¹Me dyjom túke kralís dre Mirí xolý, i Me lyjom les krig dro Miro isyn xoliakiribén.

¹²Čoripén Jefriemoskiro zaphandlo dro venzlo, a léskiro grého prirakhno.

¹³Dukh džuvliáte, savjake trej te bijanél, javéla pe léste: jov isyn čhavó na o baré-godiákiro, pal-dová so jov tedy te na javél odój, syr javéla cýro (časo) te bijandjol.

¹⁴Me vykinava len liunoskire/adoskire (Šeoloskire)[14] zorjátyr, Me vyrakhava len meribnástyr. O Meribén! Kaj isyn Tyró žalo (meribnytko truta/iado)? O liúno (ado)? Kaj isyn tyrí zbierda (pobieda) [tyró xasibén-ju.o.]? Miré jakhéndyr garadó, sob (kaj) Me te sykavav iló vaš lénge.

¹⁵Mek Jefriémo i te luludjol[15] maškír pšalénde, javéla balvál vastokóstyr: balvál Rástyr-Devléstyr javéla čhučé phuvjátyr, i Léskiri ĥanyngori javéla šukí, i léskiro folahar (fontano) pirijačéla (terdjola) te čhuvelpe. Jov keréla čhučó khoró (sasudo) kažnoné piraliatyr, kaj isyn kažno kuč khoró.