Read Biblija - Pe Baltitko Romani čib (Romanes) 2019 Baltic Romani Bible Osija 6 Bible Online

Osija 6 - Biblija - Pe Baltitko Romani čib (Romanes) 2019 Baltic Romani Bible bible

Osija 6

¹Dre smentnyma péskiri jone pe zlóko (ránko) javéna te rodén Man i te rakirén: ‘Javén, i risjovasa ame ke Raj Devél: pal-dová so Jov dukhadia, i Jov sastiakirela amen; Jov pekadiá amen, i Jov piriphandela amaré fránsy (rany).

²Paló duj dyvesá Jov džidiakirela amen; pe tríto dyvés Jov čhuvéla pe ĥerá amen, sob (kaj) aménge te dživás angíl Léskiro dykhibén.

³Aménge trej te džinas butýr, aménge trej te pričhuvas te džinas butýr Ras-Devlés, Léskiro javiben javéla syr zlóko, Jov javéla syr bryšýnd, syr ĥaratuno bryšýnd (pozdnjo), so paniakirela phuv.’

⁴‘O, Jefrieme, so Mánge te keráv túsa? O, Juda, so Mánge te keráv túsa? Pal-dová so tumarí patýv ke Me isyn sýrby tuča pe zlóko (ránko), i sýrby pahlyn (rosa) pe zlóko, saví syg xasjola (prodžála).

⁵Paldavá Me vyčingiravas len pir prorokénde, Me muliakiravas len Miré lavénca; i Miro séndo pe lénde javéla sýrby dud (svéto), so ĥazdélape.

⁶Pal-dová so Mánge isyn drieván pir iló lačhé-ilýtkima, a na svénto dyibén, i džinybén pal Mánde, Devléste, butýr, syr célo shačkiribén.

⁷Ne jone syr Adamo phagirdé Zavieto; odój jone jačade xohanés Man.

⁸Galaádo isyn fóro, dro savó dživéna bibahtalé, i jov isyn magirdó ratésa.

⁹Syr rozmaribnarja [rozmaribnytko šajka-ju.o.], kon podrakhela manušés te zamarél, adiáke-pac' i kampanija rašangiri zapasjola te zamarél pir drom ke Siehemo; čačes, jone keréna stetka (džungalé) réndy.

¹⁰Dro kher Izrailjoskiro Me dykhcjom trašano: odój kerélape Jeframoskiro biladžaipén; Izrailjo isyn magirdó.

¹¹Adiáke-pac', vaš túke, Jude, sykado dyvés vaš givengiro sčhinyben, kiéli Me riskiráva Miré — manušéngire plienonen.