Read Biblija - Pe Baltitko Romani čib (Romanes) 2019 Baltic Romani Bible Osija 8 Bible Online

Osija 8 - Biblija - Pe Baltitko Romani čib (Romanes) 2019 Baltic Romani Bible bible

Osija 8

¹Pričhuvén rógo (truba) ke uštá tumaré. Jov, vérgo, javéla syr órlo (kído) proti Kher Ráskire-Devléskiro , pal-dová so jone phagirdé Miro Zavieto i kerdé búnto proti Miro Zakóno.

²Izrailjo javéla zoralés te kharel Man: ‘Miro Dévla, ame džinésa tut!’

³Izrailjo čhurdyjá saró lačhipén: o vérgo javéla te tradelpe pal léste.

⁴Jone čhuvéna kral'jén kokoré, ne na Mándyr (by Miro); jone čhuvéna thagar'jen (kniaz'jen) bi Miré-laveskiro. Léngire rupéstyr i suvnakástyr jone keréna péske ídoly pe péskiro xasibén.

⁵Tyró guruvoro jačkirdiá tut, e, Samárija! Mirí xolý ĥazdyjápe proti lénde. Syr ĥará (dlúges) javéla ke dová, kiéli jone jačénape bibangipnaskire.

⁶I davá guruvoro adiáke-pac' Izrailjostyr: grafári (spieco te risynel) vyčhindia davá, i paldavá jov isyn na devel. Kadavá guruvoro Samarijakiro javéla phagirdó pe koterá.

⁷Jone posieindle balvál, i jone sčhinena štormo: syr givá lénde sarésa na javéna pe ĥerój (koloso); na javéla pribaripen dro jaržó. Kóli i vybarjola lénde vari-so, to e čúža manušá nakhavena (proglyninena) jaržó (giv).

⁸Izrailjo adiáke-pac' isyn nakhado (proglynindlo): akaná jone jačné maškír Najudýtka nácyi sýrby khoró (sasudo), so na pir iló nikonéske.

⁹Pal-dová so jone giné ke Asuro (Asirija) sýrby buso (diko) óslo (miegári), so jekhdžinó psiréla, a Jefriémo zmiešynelaspe počastunkenca (pal lové) javire — manušytkoné nacyienca, sob (kaj) te den patýv léske.

¹⁰Na dykhí pe dová, so jone bičhavenas (pokindle) počastúnki (dáry) maškír Najudýtka nácyi, akaná Me kedava len i jone léna te čuinen (te piridživen) pharés tel ĥámo kralístyr, thagar'jengirestyr.

¹¹Pal-dová so Jefrieimo kerdiá but altári (žertvieniki) vaš grého, jone jačné vaš léske syr altári te kerén gréhi.

¹²Me čhindjom vaš léske baré lavá Miré Zakonóstyr, ne jov pogindia len pal čúža [dívna-ju.o.] phenybena.

¹³Jone janéna džidó mas syr svénto dyibén Mánge, i jone xána les, ne Me, Raj-Devél, na prilava len.’ Akaná Me javáva te ripirav léngiro čoripén i te sendiakirél len pal léngire gréhi: jone risjona pale ke Jegípto.

¹⁴Izrailjo bistyrdia pal Léskire Sozdyibnaskireste, i jone čhudé péske mangipnytka štéty (kapiščy), i o Juda adiáke-pac' butedýr kerdiá péske fórja zoralé vantasa: ne Me bičhaváva jag pe léskire fórja, i joj pohala léngire baré felatiniá / kolová (dvorcy).