Read Biblija - Pe Baltitko Romani čib (Romanes) 2019 Baltic Romani Bible Amoso 1 Bible Online

Amoso 1 - Biblija - Pe Baltitko Romani čib (Romanes) 2019 Baltic Romani Bible bible

Amoso 1

¹Lavá Amosóskire, kon sys jekh čhupnári (pastuho) dre Fiekoia [Tekoa-ju.o.], savé léske Raj Devél sykadiá dre suné, dre odolé dyvesá, kiéli o Ozíia sys králi pe Judéia, i dre dyvesá, kiéli o Iierovoamo, čhavó Ioasoskiro, sys králi pe Izrailjo duj berš angíl phuvjákiro trinskiriben.

²I jov phendiá: “O Raj Devél javéla te ĥrieminel Sionóstyr, i Jov phenéla Péskire zaniása Jerusalimóstyr; i javéna te tuginen zoralés sane budi (xižyny) čhupnar'jengire, i vyšutjola fiélia (makuška) pe vučipén Karmiloskiro.”

³Adiáke rakiréla Raj Devél: “Pal trin čoripena i štar, so kerdiá Damásko, Me na otmekáva pharó séndo lénge, paldová so jone molotindle Galaádo sastruné givaobkeribnytkonénca (molotilkenca).

⁴I Me bičhaváva jag pe Azailoskiro kher i joj xačkiréla Vienadadoskire [Ben-Xadadoskire-ju.o.] baré felatiniá (kolová).

⁵I Me adiáke-pac' phagirava šýbiero (zasóvo) pe pórta Damaskoskiri i Me xasiakiráva manušén, kon dživéla pe dólo Avienoskiro i kodolés, kon rikiréla thagaritko destó dro Jedeno (Ben-Xadado). Manušá Sirijatyr džána dro pliéno ke Kira”, — rakiréla Raj Devél.

⁶Adiáke rakiréla Raj Devél: “Pal trin čoripena, so kerdé manušá Gazatyr i pal štar čoripena, Me na otmekáva pharó séndo lénge, pal-dová so jone lydžiné saré Judén dro pliéno, sob (kaj) te biknen len syr pishar'jén ke Edómo.

⁷I Me bičhava jag pe vánta Gazakiri, i joj xačkiréla lákire baré felatiniá (kolová) [komory-r.s.].

⁸I Me xasiakiráva manušén, kon dživéla ke Azoto, i kodolés, kon rikiréla thagaritko destó pe Askalono, i Me riskiráva Miro vast proti Ekrono (Jekrono), i manušá, kon jačélape Filistimlianendyr, xasjona” — rakiréla Raj Devél.

⁹Adiáke rakiréla Raj Devél: “Pal trin čoripena, so kerdé manušá Tirostyr, i pal štar čoripena, Me na otmekáva pharó séndo lénge, pal-dová so jone lydžiné sarén pliennonen ke Edómo, i jone na ripirde pšalýtko dorakiribén (sojuzo).

¹⁰Ne Me bičhava jag pe vánta Tiroskiri, i joj xačkiréla léskire baré felatiniá (kolová) [komory-r.s.].”

¹¹Adiáke rakiréla Raj Devél: “Pal trin čoripena, so kerdé manušá Edomostyr, i pal štar čoripena, Me na otmekáva lénge bang, pal-dová so jone tradenaspe pal péskire pšaléste kurtalása i jone na tangindle len syr seménca, i léngiri xolý xačolas bipirijačybnaskiro, i jone ŭsády (sak) rikirenas xolý (mižehipen).

¹²I Me bičhaváva jag pe Fiemano, i joj shačkiréla baré felatiniá (kolová) dre Vosora [Bocra-ju.o.].”

¹³Adiáke rakiréla Raj Devél: “Pal trin čoripena, so kerdé čhavé Amonoskire, i pal štar čoripena, Me na otmekáva pharó séndo lénge, pal-dová so jone rosčingirenas (putravenas) perá pharé džuvliende, sob (kaj) lénge te buĥliakiren kustyka (miéžy) pe phuv.

¹⁴Ne Me roshačkirava jag dre vánta Ravakiri, i joj xačkiréla saré lákire baré felatiniá (kolová), godlypnasa dro maribnýtko dyvés, baré štormosa dro dová dyvés, syr javéla riskiribnaskiri balvál.

¹⁵I léngiro králi džála dro pliéno, jov i léskire thagárja khetané”, — rakiréla Raj Devél.