Read Biblija - Pe Baltitko Romani čib (Romanes) 2019 Baltic Romani Bible Jona 2 Bible Online

Jona 2 - Biblija - Pe Baltitko Romani čib (Romanes) 2019 Baltic Romani Bible bible

Jona 2

¹Ĥáda, o Raj Devél vykedyjá baré mačhes (kitos), sob (kaj) jov te nakhavel (te proglyninel) Jonas. I Jona sys dro per kitoskiro trin dyvesá i trin ratia.

²Tén'ci mangdiápe o Jona Ráske-Devléske, léskire Devléske kitoskire perestyr.

³I phendiá jov: “Me dyjom gódla te pomoginel ke Raj Devél, syr pritasade man, i Jov otphendiá mánge. Me dyjom gódla te pomoginel samone xoripnastyr tel phuv, i Tu šundián mirí zan (glos).

⁴Pal-dová so Tu čhurdyjan man dro xoripén pe sámo morjoskiro (derjavéskiro) iló. I paningá občhude man trusciál; i tyré baré paningá, so kuninenape, i valny proginé pirdál mánde.”

⁵Tén'ci me phendjom: “Man vyčhurdyne Tyré jakhéndyr, ne me nevéstyr javáva te dykháv pe Tyrí Svénto Khangirí.

⁶Paniá občhude trusciál man, až ke miro di; bidugnoskiro xoripén (biezdna) učhakirdiá man; morjoskire (derjavéskire) čarjá zakhudepe trusciál miro šeró.

⁷Me dogijom ke bergengiro dugno (dno): phuv péskire štabenca zakerdiape pal mánde; ne Tu, Rajo Dévla, miro Dévla, lydžijan džides miro di javrí liunostyr (adostyr).

⁸Kiéli miro di zamyjá dro mánde, me priripirdjom Ras-Devlés, i miro mangipén gijá upré ke Tu, dre Tyrí Svénto Khangirí.

⁹Kodolé, kon keréla patýv idolénge, savé nisó na mol, jačkirdé Tut, Kon déla bahtalypén.

¹⁰Ne Me janáva svénto dyibén Túke miré zaniása te parikiráv túke; Me keráva dová, so Me sovlahadjom. Zrakhibén isyn Rástyr-Devléstyr.”

¹¹I priphendiá Raj Devél kitoske, i jov vyčadyja Jonas pe šukí phuv.